Video
Read full review
2008-04-25
16 views
先講components：去食飯前係尖沙咀中心一間南非酒鋪買咗一支特價紅酒，係普羅旺斯叫咗湯、法飽extra portion、prime rib、炒雞肉意粉及apple tart a la mode，唔計酒，啱啱五百。今次六點三坐低，即問老板大厨嗰rib eye得唔得，佢即答話好掂。問佢有冇意粉建議，佢介紹雞，好！就叫雞......意粉啦！嗰甜品係佢伙計建議，apple pie a la mode，簡直冇得頂，至愛。老虎蟹問定老板大厨會唔會等好耐，佢話唔會，好，信多佢一次。今次冇信錯，湯同飽都好快唻。上次等好耐嘅扒，今次反而最早上，食完未到八點，時間今次真係好正。湯：忌廉菜湯，好忌廉，但我個人嫌佢淡咗Ｄ，夠熱，送飽幾好。法飽：為咗送酒，叫咗extra portion，焗得幾脆。食完湯及飽，朋友已經嗌飽。Prime rib：一上至記得忘記咗叫老板well done，但都已經好燶。切開唔太生，我個人可接受。依然係外面脆裡面嫩，味道好夠，口感一流，而且今次唔肥，伴碟有拳頭般大空心番茄，雖然冇上次嗰個咁大，但仍然好特色。個扒係細件咗Ｄ，但一試再試，都係好正。炒意粉：朋友話味道夠濃，我都覺得好有
今次六點三坐低，即問老板大厨嗰rib eye得唔得，佢即答話好掂。問佢有冇意粉建議，佢介紹雞，好！就叫雞......意粉啦！嗰甜品係佢伙計建議，apple pie a la mode，簡直冇得頂，至愛。
老虎蟹問定老板大厨會唔會等好耐，佢話唔會，好，信多佢一次。
今次冇信錯，湯同飽都好快唻。上次等好耐嘅扒，今次反而最早上，食完未到八點，時間今次真係好正。
湯：忌廉菜湯，好忌廉，但我個人嫌佢淡咗Ｄ，夠熱，送飽幾好。
法飽：為咗送酒，叫咗extra portion，焗得幾脆。食完湯及飽，朋友已經嗌飽。
Prime rib：一上至記得忘記咗叫老板well done，但都已經好燶。切開唔太生，我個人可接受。依然係外面脆裡面嫩，味道好夠，口感一流，而且今次唔肥，伴碟有拳頭般大空心番茄，雖然冇上次嗰個咁大，但仍然好特色。個扒係細件咗Ｄ，但一試再試，都係好正。
炒意粉：朋友話味道夠濃，我都覺得好有心機。鋪係面嘅芽菜苗好爽好新鮮。
Apple tart a la mode：老板大厨出唻教點食，要連雪糕食喎。個tart薄到紙咁，脆卜卜，好得意，唔heavy，加埋雪糕啱啱好。
支酒係byob，特價品平咗成舊水，Dry咗Ｄ，但好有餘香，超抵！斟咗杯俾老板大厨，佢同我哋傾咗一陣，好開心。
Post