Video
Read full review
2023-03-17
809 views
今日同朋友再次黎到位於銅鑼灣既鐵板燒店。餐廳環境闊落舒適，一走入去有長吧檯位置，再行入裏面有三張半圓鐵板燒枱，能夠睇到師傅烹調食物既過程，門口旁邊仲有一間獨立房。餐廳有唔同價位既鐵板燒套餐，可以因應自己需要選擇～✨🦞龍蝦鐵板燒 二人前 $2380🔸沙律是日沙律係和風沙律，沙律菜新鮮爽脆，上面仲放上藜麥及核桃，再淋上柚子酸汁，味道酸甜開胃。 🔸前菜前菜係龍蝦福袋，哩道前菜最特別之處係冬天熱食，夏天凍食～福袋皮唔會厚，入面係大大嚿手打龍蝦滑，仲配有清甜無渣既蘿蔔。🔸汁煮白鱈魚白鱈魚用上和風洋蔥汁烹調，魚肉細緻嫩滑，洋蔥清甜，醬汁惹味，再加上煎到香脆既魚皮，配搭埋一齊非常好食👍🏻🔸原隻龍蝦配海膽汁龍蝦配海膽汁真係超好食❗️龍蝦大隻肉厚，入口味道鮮甜，肉質爽彈，配搭味道濃郁既龍蝦海膽汁，真係忍唔住一啖接一啖，連旁邊既雞冠草昆布都可以點埋醬汁一齊食，好食推介👍🏻🔸季節料理：蒜蓉天白花菇日本天白花菇非常厚肉，入口彈牙富肉汁，蒜香味十足。🔸熊本縣產A5黑毛和牛熟度我地交俾師傅幫我地控制，出到嚟簡直係完美🥹建議大家都交比師傅，真係好有驚喜❗️一食落去肉質軟腍，牛味突出，而且超多肉汁，啲油脂豐富到接近入口即
餐廳有唔同價位既鐵板燒套餐，可以因應自己需要選擇～
✨🦞龍蝦鐵板燒 二人前 $2380
🔸沙律
是日沙律係和風沙律，沙律菜新鮮爽脆，上面仲放上藜麥及核桃，再淋上柚子酸汁，味道酸甜開胃。
🔸前菜
前菜係龍蝦福袋，哩道前菜最特別之處係冬天熱食，夏天凍食～福袋皮唔會厚，入面係大大嚿手打龍蝦滑，仲配有清甜無渣既蘿蔔。
🔸汁煮白鱈魚
白鱈魚用上和風洋蔥汁烹調，魚肉細緻嫩滑，洋蔥清甜，醬汁惹味，再加上煎到香脆既魚皮，配搭埋一齊非常好食👍🏻
🔸原隻龍蝦配海膽汁
龍蝦配海膽汁真係超好食❗️龍蝦大隻肉厚，入口味道鮮甜，肉質爽彈，配搭味道濃郁既龍蝦海膽汁，真係忍唔住一啖接一啖，連旁邊既雞冠草昆布都可以點埋醬汁一齊食，好食推介👍🏻
🔸季節料理：蒜蓉天白花菇
日本天白花菇非常厚肉，入口彈牙富肉汁，蒜香味十足。
🔸熊本縣產A5黑毛和牛
熟度我地交俾師傅幫我地控制，出到嚟簡直係完美🥹建議大家都交比師傅，真係好有驚喜❗️
一食落去肉質軟腍，牛味突出，而且超多肉汁，啲油脂豐富到接近入口即溶既狀態，真係勁好食👍🏻配菜仲有羽衣甘藍、蒜片同番薯仔～
💕師傅貼士：
第一嚿先食完原味，之後嗰舊可以點少少鹽，第三舊加上Wasabi、蒜片，再點燒汁，味道真係估唔到咁好❗️好推介大家都咁樣試下～
🔸炒飯（日本產米）
乾瑤柱絲炒飯炒得乾身，粒粒分明，店員會送上漬物，包括醃蘿蔔同酸菜，可以用來配炒飯～
🔸雞湯：自家清雞湯
雞湯入面有大大隻彈牙既鮮蝦及大量珊瑚菇，味道清甜。
🔸甜品
甜品我地揀左抹茶雪糕及靜岡蜜瓜，店員話哩到既甜品會因應季節及節日而有所調整，大家都可以留意下～抹茶雪糕抹茶味濃郁，配有不同既乾果，食落口感更豐富；靜岡蜜瓜味道清甜，而且非常多汁，超級好食👍🏻
整體黎講，餐廳環境舒適，店員同師傅既服務質素都好好，食材高質素，真係每一樣食物都非常滿意，而且再次黎食都能夠保持質素，絕對係約會同慶祝既好選擇💕
Post
