陳根記

Open Now

Now Closed

再嚟食陳根記，佢啲乳鴿好好食， 60幾蚊隻都唔錯。今次叫咗酸菜魚，雖然大排檔應該唔係做酸菜魚嘅高手，但出奇地陳根記嘅酸菜魚都唔差。入邊有粉絲，叫一個酸菜魚同三個餸都飽。同埋好多年冇食過椒鹽賴尿蝦，呢度$100一碟賴尿蝦係有少少細隻，同埋好似唔離殼。但都算過得去，而且味道都好好食依度啲夥計都算有禮貌，同埋好快就有位，地方又乾淨，冷氣又夠。所以間唔中都會特登過嚟石門食陳根記。但係Wasabi蝦就好似爭少少，食得出係雪藏蝦，同埋嚟到嘅時候已經有少少凍凍地，同埋都唔平，下次可以慳返唔使叫。