陳根記

Open Now

Now Closed

年初七人日夜晚去食，唔知係師傅未返工定唔夠人，出餐已經出得好慢，等咗成20分鐘都未有得食，催單都唔跟進，淨係話就快黎。唸住等咁耐應該食物有返咁上下質素，點知期望越大失望越大。1）滑雞蒸陳村粉 $118- 雞一啲都唔滑，鞋曬，斬嘅雞顯係頭頭尾尾，啲骨頭仲要刮口。骨多過肉，蒸到老曬。仲要全碟都係雞油。調味又唔夠。啲粉撻埋一嚿，冇攤開佢蒸。2）蜜椒薯仔牛柳 $128- 一啲蜜糖味都冇，薯仔冇味，個皮淋，一啲都唔脆。啲牛柳好似比鬆肉粉拿到好似腐肉咁，一啲牛肉味都冇。牛柳仲要未切好，兩塊連體，又大塊又韌。3）基於以上餐點太難食去叫個都幾難中伏嘅咕嚕雞球 $128，點知都係出事- 冇汁，乾到。啲雞薄到好似得浸皮咁。真心兩餸飯都好過佢。4）甜品，一口脆芒$39- 唔知喺雪櫃擺咗幾耐嘅芒果，又酸，個炸皮d味勁怪，完全冇佢所講嘅外熱內冷感覺。咁嘅價錢比D咁嘅野食，真係連街邊兩餸飯都好過你。自己睇相評論。以前食唔係咁，退步得好緊要。keep唔到素質嘅食肆。

最近我去咗一間大排檔，食物好有鑊氣，味道十足！一入到去就聞到一陣陣香氣，令人忍唔住想試下。我首先試咗佢哋嘅炸蠔餅，真係好好食！外層炸得金黃香脆，裡面嘅蠔味濃郁，咬落去有啲汁，真係好滿足。接著點咗酸菜魚，雖然唔算正宗，但味道幾好，湯底酸酸辣辣，非常開胃，魚肉新鮮，配埋啲酸菜，味道更佳。另外，我仲試咗孜然棒棒骨，味道正！孜然香氣四溢，肉質嫩滑，每一口都好有滿足感。無論係配飯定係單食都好好味，絕對值得推薦。最後，我仲試咗涼瓜煎魚，意外地好食！涼瓜煎得恰到好處，外脆內嫩，搭配啲魚肉，味道出奇地合襯，清新又唔油膩，食完唔會覺得腻。整體嚟講，呢間大排檔真係唔錯，無論係味道定係價錢都幾合心水，環境雖然簡單，但一啲都唔影響食物嘅質素。如果你想搵一個正宗又有鑊氣嘅地方，真係可以考慮下呢度！下次仲想再試多啲其他菜式！

今日去石門幫爸爸攞回鄉証咁求其搵間餐廳坐低食吓嘢好想講呢間真係好食😋仲要嗰下午茶估唔到咁平嗰湯麵啲魚片好嫩滑湯底味道啱啱好😋食完都冇口喝麵質好爽滑👍嗰𧐢餅真係有驚喜(有我隻半手掌咁大件)我放咗一陣先食仲仍然咁脆而且啲𧐢真係唔少(只係附上嘅魚露唔夠鮮味)最後枝樽仔奶茶甜度啱晒我平時飲開少甜嘅我啱晒下次會再嚟試吓啲小炒✌️#只有兩個情況才能驅使我去寫食評#一係好難食#一係好好食

陳根記昔日禾峯邨大排檔，兒時經常去好多捧場客現搬到石門京瑞廣場，味道仍在小菜小炒好出色人情味配合大排檔，回億過去的屋邨生活下午茶時段超抵食點了蠔餅配魚片麵，干炒牛河配海蜇蘿白絲好好味，尤其炸蠔餅香脆可口，點魚露絕配下次試下晚飯，想試wasabi手撕雞👍😋

以前只食過晚市，咁啱今日路經見佢有下午茶餐好似幾吸引，就入左去，叫左個茶餐，有煎蠔餅加魚片麵，包飲品。煎蠔餅正常發揮，比預期中大份，蠔份量足，味道正常，有芫茜。魚片麵用鮮魚片，有節瓜，湯底辣辣地，幾野味。呢個價錢算大份夾抵食，有驚喜！

菜式味道整體一般，蠔仔餅就不錯。但不值得專登過嚟。海鮮嘅質素都好普通。 都唔係好明白點解會咁旺。特別想提 叫咗一個蒜子大鱔煲，但上到嚟有好多豆腐火腩，鱔就反而唔多，這樣的做法有點出乎意料之外。

住呢邊朋友話唔好食宜家，唔信邪，有幾大期待，幾大失望，點解可以咁難食，又貴都唔明點解咁多人來食，乳鴿唔脆，炒硯澱粉水多，垃圾，完全莫性價比可言，絕對唔會有下次，大失所望芒果一口脆，更是難食到这个水平降得有点过低了吧，大排档顾名思义是要有锅气，今晚那个扬州炒饭，真的太不行了，没有锅气，味道平平，还有那个玉米芝士猪扒，感觉是昨天做好，加热就上菜的，说真的，真的觉得不会再去了。德記，泰源好食好多，夠鍋氣

Overrated and overpriced. Stir-fried dishes such as the fried noodles had no wok hay. Tiny portions especially the claypot dishes - both of the pig innards and satay beef and inoki mushroom pots were so small just like a one person portion. The corn soup was way too salty with tons of MSG. Staff at the door wasn't friendly. Had to return the table in 90 mins. The restaurant had been full since 6pm and people were waiting outside while other restaurants nearby had less than 50% customers. Honestl

過開嚟附近上堂，試一試搬咗嚟室內嘅陳根記。以前佢未搬入鋪之前，食過幾次，地道大排檔。而家搬出嚟冷氣地方，坐得舒服咗。驟眼睇都似以前的佈局，保留大排檔裝修。 位置坐得鬆動，自助茶水🙂午市套餐，多選擇。小炒粉麵，碟頭飯，蒸魚，都有得揀。叫咗個豉油雞飯，隻雞好滑。豉油汁甜甜的，易送飯。 朋友叫咗個星洲炒米，辣到唔算太勁。米粉炒得乾爽，夠熱。另外叫多咗個乾炒牛河，牛肉都爽口，唔韌。唔算太油，炒得OK，有鑊氣👍

開係商場入面既大排擋，朋友推薦所以來食，唔難食但無我想像中咁好，而且大排擋風味感覺唔大。陳醋手撕雞-少辣性價比唔高，手撕雞既份量唔多，有一半都係配菜，味道普通，覺得可以再辣d馬拉𦾟炒通菜味道不錯， 不過太油另外有白飯叫，不過冇影相，但14 蚊一碗仔白飯我覺得太貴。野飲有自家製既涼茶，我揀左菊花茶，味道還可以， 但真係太細支。最後買左芒果一口酥返屋企做甜品， 呢個係咁多樣野最好食既，而加算比較特別整體來講，唔太差，如果行開經過附近係可以一試，始終香港剩下既大排擋唔多了☺️

好耐無食陳根記 之前食已經係禾輋個陣今日去左馬鞍山探朋友 之後晚飯想食大排檔Search OP先知原來禾輋已經無左 搬左去石門揸車去到6:00鬆d 最後一張唔使等位 即刻入得全場爆滿Wasabi手撕雞 每次黎都必食 出面好少有 天氣熱好岩食 見幾乎附近台台都有叫紅燒乳鴿 上枱熱辣辣阿仔食到舔舔脷椒鹽鮮魷大排檔水準 好食wasabi沙拉骨呢個係我至愛 Wasabi溝埋沙律醬好好食 好特別薑蔥雞煲 份量比想像中少 但味道係ok南乳雜菜煲 我無特別好鐘意南乳 但朋友鐘意 不過不失豉油王炒麵呢個好食 有鑊氣 成碟清光光最後阿仔仲食左香蕉船真係好滿足好飽👍🏻

1982老字號「陳根記」在沙田禾輋邨冬菇亭紮根30多年，是廣為人知的港式大排檔，陪著不少沙田街坊成長。由於生意愈做愈旺，由早年的一個爐頭十數枱，開到十二爐九十枱。自從1997年隔壁的店鋪離開，陳根記就橫跨兩個大檔口，夜夜爆滿。全場可坐幾百人，每到六點即可入座，過七點就要等位。因為不獲領展續約，2018年搬到石門重開，繼續服務一眾街坊。新店地方企理，裝修盡量跟足大排檔的設計，設大圓枱，菜式不變，雖然加了價，但價錢始終跑贏大市，這裡的菜色相當豐富，更增設了午市。人氣菜式有Wasabi手撕雞、蠔餅、胡椒中蝦、燒乳鴿等。為趕上時代步伐，現已使用QR code自行落單。至於店家多款人氣甜品仍有供應，但食客必須自行到商場內的另一個舖面購買。聽聞「陳根記」2023年7月已正式進軍澳洲悉尼成為跨國企業啦！文章及更多圖片 https://sunny1948.blogspot.com/2024/05/blog-post_19.html

搬新鋪之後第一次幫襯，不用再排長龍，心裏暗喜！好期待食返當日大排檔嘅味道🤗店內刻意保留原址嘅風味，例如膠擋風膜，石屎地下，令人感覺似戶外食大排檔。侍應們服務尚好，有求必應，上菜速度快👌🏻🥢Wasabi 蟹籽手撕雞 （例）呢碟係凍盤，但係唔夠凍，wasabi味唔夠，雞份量唔算大份，都係舊舖好食啲。🥢孜然一條骨都算多肉，易咬開，但係唔夠乾身。只係食到孜然粉的味道，冇乜肉味。🥢時菜炒花枝片叫咗白菜炒花枝片，係清炒嘅，淡而無味，要靠蝦醬先夠味🥢豉椒鵝腸鵝腸夠肥，份量算多，豉椒味道可以🥢自家制檸檬薏米水同行友人叫咗嚟飲，味道偏酸，但有自家制飲品去濕，好適合香港人，可以試吓昔日的陳根記光環，似乎只能對遊客起作用 。作為一個本地的食客，有感大不如前，似乎比其他後起之秀（例如妹記），慢慢超前了😮‍💨性價比一般，平均$100一碟餸，可以有更多選擇。

香港已越來越少舊式大排檔，這裡可以看得出裝修上一𥖁一瓦都盡量保持以往。進步的是，現在已經用QR code落單了。可惜是食物缺乏質素，值不值得來就自行判斷了。叫了必食紅燒乳鴿、Wasabi魷魚鬚、沙嗲牛肉粉絲煲、豉油王炒麵及13香牛柏葉。紅燒乳鴿（$68）乳鴿燒得太乾，缺乏應有的汁和肉味。Wasabi魷魚鬚（$116）只是在魷魚鬚上面放了Wasabi醬，Wasabi的味太濃掩蓋魷魚鬚的香味。沙嗲牛肉粉絲煲（$86）粉絲煲得太過時，腍身到一pat pat。但牛肉OK。豉油王炒麵（$78）算是最正常，但也略嫌過火，有點苦味。13香牛柏葉（$128）非常多香料，喜歡辣的朋友應該喜歡。可能帶着太大的期望，所以有點失望。但氣氛來說，這裏還是挺好的。飲品（$36-3支）最大的失望應該來自飲品，叫了3支預先製的檸檬茶，但味道真的非常難喝，不夠凍，也沒有落糖似的，就像是融了冰放了很久的檸檬茶。可能今天茶水姐姐忘記了落糖。

之前去石門見這間 陳根記 超多人等位，所以就有興趣吃吃看。因為是大排檔就約埋朋友一起去吃，那就可以多點幾個餸。晚上6點前入座的話不用等位，6點後便見到坐滿人，用餐時間會是90分鐘。有實體餐牌，但下單的話會是用QR Code，另外會有店員走過時說今日有什麼招牌菜!?先點了 WASABI 魷魚鬚 (HKD 116) 聽說是這間必吃之一。預想那個醬會是嗆鼻的，但吃落竟然是帶甜味，像有點微微WASABI味的千島醬那樣子。外層炸粉不是脆的，魷魚則幾軟嫩。香煎蠔餅 (HKD 106) 有脆卜卜的口感。蠔好像沒什麼味道，這個一般。椒鹽九肚魚 (HKD 106) 非常酥脆可口，吃的時候還是有熱度的。魚肉也很滑，再加上香口的蒜粒之類更為惹味。而且是真的有吃到椒鹽的調味。聽到店員一直說今天有 芥菜 就點了。很大的一棵，吃落沒有苦味，多嚼幾口還有少許甘甜的味道。油鹽水琵琶豆腐 (HKD 92) 琵琶豆腐看起來跟鯪魚球很像。其實就是魚肉再加上豆腐，口感軟軟的，老人家也能吃。粟米魚肚羹 (HKD 88) 加了胡椒粉會比較有味。