巴剎雞飯 (Closed)

晏晝去開西營盤高街試咗間馬來西亞特色小店，老闆原來係前大坑兩草老闆，佢係馬來西亞華僑，啲嘢食風格同格局都似兩草。試咗招牌巴剎雞飯（$58），雞好滑有雞味，雞飯好香唔太油膩。另外跟碗老黃瓜雞湯好濃好好飲（無影到出嚟）。個炭燒沙嗲（$48）跟炭爐上，好野味有焦香。推介酥炸皮蛋餃（＄28），炸得好香好鬆脆，如果怕太熱氣佢有湯皮蛋餃 另外叫咗個百香果烏龍冷泡茶，啱晒鍾意飲無糖茶嘅我。總括嚟講，雞飯做得好出色必定要食，小食有特色。唯一美中不足係野食普遍份量偏少，可能要叫多幾樣先夠飽。