幸屋

Open Now

Now Closed

今晚繼續同男朋友發掘香港有咩地方有沾麵食，俾我揾到灣仔呢間幸屋有得食，結果全部野食都值得一讚。我地揀左特濃味噌廣島蠔沾麵(熱)、蟹肉甜蝦涼麵、蟹籽沙律同炸雞。侍應首先會俾包煎茶既茶包你浸係熱水到。蟹籽沙律好大碟，青瓜鮮甜，蟹籽份量足，撈完沙律醬啖啖都食到蟹籽。炸雞炸到外皮好脆，好香口。雞肉鎖住肉汁，啖啖肉。特濃味噌廣島蠔沾麵有三大隻廣島蠔，鮮甜肥美。濃底濃郁，沾麵掛湯，煙韌好食。蟹肉甜蝦涼麵係六月限定，甜蝦新鮮大隻，涼麵口感煙煙韌韌。第一次食成碗浸係凍湯到既涼麵，幾特別。糖心蛋好入味，蛋黃係半熟狀態，堅正。