羲和小館 (Closed)

今晚同朋友嚟食期待已久既片皮鴨叫咗半隻，師傅會係你面前切，片皮鴨夠肥美，顏色好靚，而且肉都好嫩，價錢已經包埋八寶盒同薄餅！幾抵食😋八寶盒中有唔同既配料同醬汁，任君選擇，食之前侍應都會介紹食咩部位要沾邊隻醬汁～松露蝦球伊麵好香既松露味，蝦球好大隻，夠新鮮，爽口彈牙，因為個汁夠稠，所以伊麵都好掛汁！拆骨肉燉白菜個湯底非常鮮味，用咗大白菜、雲耳、拆骨肉等熬製而成，所以食之前都飲咗碗湯~ delicious黑松露蠔仔煎蛋因為好鐘意食松露所以叫埋呢個黑松露蛋，蠔仔夠肥美，而且好足料，黑松露係鋪係蛋上面，食前沾少少更可以帶出蠔仔嘅鮮味特色宮爆雞丁份量都幾多，鑊氣十足，雖然有好多乾辣椒同花椒，但係只帶微辣，麻香較重，唔食得辣嘅人都可以一試！