Video
Read full review
2019-07-10
334 views
身邊已有不少朋友推介呢間餐廳比我，大讚呢度既Scones拍得上某d酒店水準，所以今晚決定一次過試曬佢地既Scones同Dinner Set~我地book左8點半，眼見餐廳裡面都有唔少位置，但嗰時差不多full house，真係好旺場！餐廳燈光暗暗地，幾適合一班朋友食飯傾計。由於我地太肚餓既關係，叫多左少少食物（仲要食得曬lol）呢度差不多每款食物都會有佢地既自家製果醬，我地點左一份Scones、青醬雞肉意粉、一個Dinner set，包括沙律、餐湯、主菜、甜品，另外可以半價點餐飲。首先，我同友人都超級中意個Scone!!果然無介紹錯，烤得表面好香脆、熱辣辣，裡面軟熟又不會干（其實有唔少酒店Scones會烤得比較乾身，表面亦會林左），有淡淡既牛油香，陪埋玫瑰蘋果醬，味道層次即時提升，可惜我地只叫左一個Scone，要三個先可以有埋clotted cream。前菜田園沙津配熱情果醋，沙律菜爽口，配埋個醬酸酸味味好開胃。野菌湯亦好好飲，用鮮磨菇打碎黎煮，每啖都食到蘑菇蓉，有咬口，如果個湯傑身d口感會更出色。士多啤梨醬燒豬肋骨，我同友人都好surprise因爲份量真係好大，有成十條豬肋骨，每條都
身邊已有不少朋友推介呢間餐廳比我，大讚呢度既Scones拍得上某d酒店水準，所以今晚決定一次過試曬佢地既Scones同Dinner Set~
我地book左8點半，眼見餐廳裡面都有唔少位置，但嗰時差不多full house，真係好旺場！餐廳燈光暗暗地，幾適合一班朋友食飯傾計。由於我地太肚餓既關係，叫多左少少食物（仲要食得曬lol）
鬆餅配玫瑰蘋果醬
16 views
0 likes
0 comments
呢度差不多每款食物都會有佢地既自家製果醬，我地點左一份Scones、青醬雞肉意粉、一個Dinner set，包括沙律、餐湯、主菜、甜品，另外可以半價點餐飲。首先，我同友人都超級中意個Scone!!果然無介紹錯，烤得表面好香脆、熱辣辣，裡面軟熟又不會干（其實有唔少酒店Scones會烤得比較乾身，表面亦會林左），有淡淡既牛油香，陪埋玫瑰蘋果醬，味道層次即時提升，可惜我地只叫左一個Scone，要三個先可以有埋clotted cream。
田園沙津配熱情果醋
7 views
0 likes
0 comments
野菌湯
7 views
0 likes
0 comments
前菜田園沙津配熱情果醋，沙律菜爽口，配埋個醬酸酸味味好開胃。野菌湯亦好好飲，用鮮磨菇打碎黎煮，每啖都食到蘑菇蓉，有咬口，如果個湯傑身d口感會更出色。
士多啤梨醬燒豬肋骨
16 views
0 likes
0 comments
士多啤梨醬燒豬肋骨，我同友人都好surprise因爲份量真係好大，有成十條豬肋骨，每條都好多肉，燒得剛剛好，唔會過un過乾，而且士多啤梨醬同豬肋骨呢個組合都幾夾，反而無平時燒烤醬咁漏。配菜薯角亦同樣出色，炸得好脆好香口，點埋個士多啤梨醬味道又係好夾，唔洗每次問人攞茄汁既haha
青醬雞肉意粉
4 views
0 likes
0 comments
兩個女仔share一份dinner set應該唔夠飽，我地掙扎左一陣究竟叫黑松露蘑菇飯，定係青醬雞肉意粉，最後揀左食pasta hehe。我本身已經好中意食pasta，呢個pesto醬又係我熱選之一，完全無令我失望，好香、好濃郁，意粉好彈牙。
桂花雪梨茶、木瓜雪耳茶
4 views
0 likes
0 comments
飲餐半價叫左杯桂花雪梨茶，少甜、味道幾清新，友人則點左木瓜雪耳茶，味道有d似平時媽咪煲既木瓜雪耳糖水，幾特別！
最後以雲呢拿雪糕甜品作結尾。我地一致推介呢間餐廳，下次會再黎食三個Scone set
Post
