鰹烏冬 (LT Tower) (Closed)

呢間烏冬店，雖然細細間，但就咁湯底烏冬都有好多款俾你揀。冷熱都有，又有半湯。仲有蛋撈烏冬都有。啲烏冬大大碗又彈牙。湯底好清，而且冇味精我哋最鍾意食鰹魚湯湯底，今次第一次試佢嘅牛肉洋蔥，一碗嘅份量都好多。自從吉野家啲牛肉已經冇咁好味，好耐未試過喺出面食呢款日式加上牛肉嘅餸啦。牛肉煮得好入味，又唔會韌。另外就一定要嗌佢哋嘅燒雞髀，火雞髀仍然係燒到好香好入味，雞肉仲係好嫩。餐具同嘢飲都係自助形式，有熱嘅玄米茶熱水同埋凍水。出差嘅速度非常之快。。