616牛肉火鍋專門店 (西菁街)

Open Now

Now Closed

616出晒名係一間牛肉愛好者必到之地, 喺呢度可以一次過食盡牛隻嘅各個刁鑽部位。十款湯底之中除牛雜湯底以外, 其他都可以雙併成鴛鴦鍋, 我哋一行四人, 有人怕辣, 又有無辣不歡者, 點個鴛鴦酸菜牛骨湯就大家都啱食啦。餐廳以ipad點菜, 落單後幾乎係馬上菜, 效率極高, 值得一讚。左邊有牛骨清湯, 右邊係辣辣地嘅酸菜湯底, 第一啖感覺辣味不太重, 但有點後勁, 怕辣嘅朋友都可以嘗試挑戰一下。各款牛肉全部以薄片呈上, 色澤鮮嫩。其中金花趾係罕有系列之選, 肉質爽嫩且含油花, 落鍋6秒就食得。滑尾龍韌性較強, 油脂不多, 混合蛋漿後, 口感細滑, 肉味濃郁, 淥8秒就啱啱好。