Video
Read full review
2024-09-10
262 views
不嬲都中意周圍試下唔同國家嘅菜，周不時試下新嘢，生活冇咁悶😂Bookmark咗好耐嘅Bedu，今次趁要出城就約咗FD黎試下中東菜🤤安排咗bar枱位比我哋，位置都幾闊落，環境亦相當唔錯~ 雖然係週末嘅lunch時間，但好快就幾乎坐爆，所以大家記得book位~其實未黎之前已經睇好咗要食佢嘅Brunch set，even係weekend都有提供👍 Hummas Bel Laham & Pitta Bread 羊肉煙燻鷹嘴豆泥 & 中東扁包中東扁包真係熱辣辣新鮮出爐，店員教落可以直接點鷹嘴豆泥食，亦可以包黎食🤤 羊肉味道幾濃但唔會羶，鷹嘴豆泥夠軟綿，再加上松子仁同埋香草夠晒香，配埋中東扁包一齊食真係好正！其實本身望落好似會好漏咁但一啲都唔會🤪Fattoush Salad真係怕漏都唔緊要，有salad可以中和返😆 除咗平時常見嘅生菜、番茄、青瓜等等，最特別係有石榴粒，增加咗不少口感，而且特別清新~Scallop Ceviche 酸檸汁醃帶子檸汁醃帶子都係第一次試，帶子肉厚而且夠鮮，加埋青瓜同埋香草醬，口感豐富仲好開胃🫣Falafel 鷹嘴豆炸餅鷹嘴豆餅炸到好香脆，而且都幾紮實，配上醃芒果芝麻醬
安排咗bar枱位比我哋，位置都幾闊落，環境亦相當唔錯~ 雖然係週末嘅lunch時間，但好快就幾乎坐爆，所以大家記得book位~
其實未黎之前已經睇好咗要食佢嘅Brunch set，even係weekend都有提供👍
Hummas Bel Laham & Pitta Bread
羊肉煙燻鷹嘴豆泥 & 中東扁包
中東扁包真係熱辣辣新鮮出爐，店員教落可以直接點鷹嘴豆泥食，亦可以包黎食🤤 羊肉味道幾濃但唔會羶，鷹嘴豆泥夠軟綿，再加上松子仁同埋香草夠晒香，配埋中東扁包一齊食真係好正！其實本身望落好似會好漏咁但一啲都唔會🤪
Fattoush Salad
真係怕漏都唔緊要，有salad可以中和返😆 除咗平時常見嘅生菜、番茄、青瓜等等，最特別係有石榴粒，增加咗不少口感，而且特別清新~
Scallop Ceviche 酸檸汁醃帶子
檸汁醃帶子都係第一次試，帶子肉厚而且夠鮮，加埋青瓜同埋香草醬，口感豐富仲好開胃🫣
Falafel 鷹嘴豆炸餅
鷹嘴豆餅炸到好香脆，而且都幾紮實，配上醃芒果芝麻醬同松子仁香草醬，中和咗炸餅油膩嘅感覺~ 食到黎呢度發現，香草醬應該係中東菜嘅精髓，幾乎每一道菜都會有佢嘅出現，但意外地佢同每一道菜都好夾，個人幾中意👍 其實食到黎呢度已經覺得有少少飽，每一道前菜都滿滿嘅份量，性價比黎講真係好高
Slow Cooked Lamb
黎到主菜嘅部分，朋友選擇咗慢煮羊肉配香料石榴蒔蘿飯。薑黃飯唔會太乾或者太濕口感好好，薑黃適中，而且石榴粒大大提升咗成個飯嘅清爽，慢煮羊肉則非常軟淋，而且應該因為切走咗啲脂肪，所以羊肉雖然濃但唔會羶，如果怕羊羶都絕對可以入口。
Chicken Lari
雞腿肉煮到岩岩好所以肉質相對都幾嫩滑，唔會乾同硬，而且雞腿肉應該有提前醃過，所以好入味，再加埋蘿蔔鷹嘴豆蓉同不可缺少嘅中東辣椒香草醬，令到成個香味another level咁
Chef Ali's Favourite Sorbet
甜品部分揀咗sorbet，芒果味sorbet再配上多款生果，夠fresh唔會太甜~
身為愛酒之人嘅朋友叫咗一杯House wine，酒嘅單寧同酸度較低，入口容易，果香味濃厚，帶有雲呢拿香味。朋友覺得幾適合女士或者少飲酒嘅人，佢仲諗住自己買返屋企飲😂
總括黎講性價比真係好高，如果之後轉menu會再試🤤
Post
