冒喜 (柏廷坊)

Open Now

Now Closed

冒喜 - 上環📍上環文咸東街22-26號柏廷坊25樓冒菜係香港都比較少見，見佢有三間分店，感覺都非常可靠。店舖寫明採用正宗冒菜做法烹調湯底，製作過程中必需使用辣椒油，因而正宗冒菜會有一定的油膩感。我地就揀左一辣一唔辣既湯底比較下。吉祥套餐（6餸） - $66 + $5 主食秘制香辣湯（微辣）潮汕手搥牛肉丸、蒜香墨魚丸、貴州丁家脆哨、竹輪、滑牛、蘿蔔片+米線養生白胡椒湯潮汕手搥牛肉丸、蒜香墨魚丸、貴州丁家脆哨、肥牛、油麥菜、芫茜+米線兩個湯頭都好味， 香辣湯有少油，但整開啲油就會品嚐到少少辣味、少少蒜味同埋少少肉味，好有層次。 白胡椒湯好清甜，好暖胃，用呢個湯叫菜就岩岩好。配料方面，最特別就係脆哨，係酥脆既肉燥，可以就咁食底連湯食。牛肉係爆晒汁既，墨魚丸都好有咬口。菜類都好新鮮，白蘿蔔夠淋無渣。洛神花山楂蘋果/酸梅青檸烏龍茶 - $15兩個口味都係酸酸甜甜，除左開胃仲解辣一流，真係一飲就無晒辣感，好神奇。滕椒涼拌魚皮 - $48魚皮爽口彈牙，川式調味好惹味，但又唔會太重口味。可惜當日無冰粉，可以下次再戰。