露台餐廳

Open Now

Now Closed

好耐冇去飲😂仲要去到淺水灣嘅露台餐廳參加西式婚禮，對上一次嚟已經有六、七年前，之前都係食下午茶，今次可以試吓婚宴。呢度充滿住古典氣質，連廁所個廁所板🚽都係用木板做😅同埋佢哋嘅服務同埋食物水準的確唔錯👍講返正題，今晚嘅菜單啱晒我食，頭盤係帶子配芒果沙律，帶子係用生帶子配芒果好清新，之後有濃厚嘅龍蝦湯，入面有一粒龍蝦餃好鮮味😋跟住到酥炸蟹鉗不得了！香脆外殼但內裡彈牙👍主菜揀咗安格斯牛柳，出面好似好熟咁，好彩入面五成熟啱啱好又有肉味唔錯。最後到甜品心太軟冇流心比較失敗，可能大批製作難控制．之後仲Petit four 有迷你果撻及朱古力，為呢餐畫上完美句號。