Video
Read full review
2021-11-28
2194 views
一人鮨境 - 弦 午餐15件680+10%啤酒 $75荃灣終於開到一間有質素既係某谷入面見到個熟識既面孔係度做就心癢難耐打去book位新店暫時預約冇難度!!店內光猛bar枱目測有15-16個位，由三位師傅主理，今次係Wilson師傅為我服務，入面重有包間，都係bar枱5-6個位。舍利微酸，顆粒分別有咬口但唔會al dente，舍利溫度比室溫暖一點。服務周到，侍應妹妹有禮貌，加茶勤力，見客傾緊偈就算係你背脊慢慢等都唔會打斷你講野問你問題。預備完魚料就拎新飯------------------------------紫菜芡茶碗蒸- 真心係未食過咁大碗既茶碗蒸，感覺食左好耐都未食完，滑身，紫菜味係有，但唔濃，但容器真心幾好睇蜜柑鯛- 第一件極醒神，好耐冇食過會覺得濃魚味既蜜柑鯛，唔知係自己平時口淡定果日味蕾特別，濃得黎帶D柑橘香味，真係醒神深海池魚 安岡蔥- 正常的深海池魚，夾左蔥係魚同舍利中間，蔥香魚鮮平政- 印象不大金線鯛 酸汁啫喱- 酸汁啫喱都係醒神，唔太酸，夾埋魚味係舒爽的帆立貝 岩鹽- 一拍落去係識扯的，肌肉纖維一梳梳，證明唔係急凍貨，微微用岩鹽調味，份量合適，唔會太多搶走左帆立貝
啤酒 $75
荃灣終於開到一間有質素既
係某谷入面見到個熟識既面孔係度做就心癢難耐打去book位
新店暫時預約冇難度!!
店內光猛bar枱目測有15-16個位，由三位師傅主理，今次係Wilson師傅為我服務，入面重有包間，都係bar枱5-6個位。
舍利微酸，顆粒分別有咬口但唔會al dente，舍利溫度比室溫暖一點。
服務周到，侍應妹妹有禮貌，加茶勤力，見客傾緊偈就算係你背脊慢慢等都唔會打斷你講野問你問題。
預備完魚料就拎新飯------------------------------
紫菜芡茶碗蒸
- 真心係未食過咁大碗既茶碗蒸，感覺食左好耐都未食完，滑身，紫菜味係有，但唔濃，但容器真心幾好睇
蜜柑鯛
- 第一件極醒神，好耐冇食過會覺得濃魚味既蜜柑鯛，唔知係自己平時口淡定果日味蕾特別，濃得黎帶D柑橘香味，真係醒神
深海池魚 安岡蔥
- 正常的深海池魚，夾左蔥係魚同舍利中間，蔥香魚鮮
平政
- 印象不大
金線鯛 酸汁啫喱
- 酸汁啫喱都係醒神，唔太酸，夾埋魚味係舒爽的
帆立貝 岩鹽
- 一拍落去係識扯的，肌肉纖維一梳梳，證明唔係急凍貨，微微用岩鹽調味，份量合適，唔會太多搶走左帆立貝本身的鮮味，樸實無華但好食
金目鯛
- 上面落左少少鹽鞠之餘都有落醬油，但醬油的份量感覺是少了一點，但經過鹽鞠提鮮，就算魚皮沒炙燒過，味道層次都仍然很豐富，好食
墨烏賊
- 上面有適量的柚子胡椒，唔搶味，烏賊本身唔算太濃味，但新鮮，冇痴立立
梭子魚
- 界花，網燒，油香重，魚味不缺，用白蘿蔔茸壓一壓油膩感，不錯
換飯------------------------------
北寄貝
- 師傅話係400G+一隻大，貴得黎又難搵，但北寄貝真係愈大隻愈好食，大隻既味道更濃口感更爽口，正
甜蝦昆布漬
- 我估師傅有睇到大家睇到大神上次去食話條蝦尾唔靚仔，所以切走左果一忽，我估因為做完昆布漬先搣殼(雖然好似係搣左先漬)? 蝦肉乾左D水會
難搣D，有機會問下師傅。
筋子醬油漬
- 醃漬用的醬油不甜亦不太咸，醃漬的程度感覺很精準，能吃得出醬油的風味，但一點咸味之中也帶了一點別的風味，我猜是木魚湯? 季節性食材一般都好吃的
中拖羅
- 師傅講完產地唔記得左了，好吃，但都是樸實的一貫
網燒秋刀
- 大愛的秋刀魚，油脂唔算極豐富，但網燒後的油脂香搭救，重口但我很喜歡
太刀魚木魚清湯
- 木魚清湯放了一片太刀魚在裡面，太刀魚本身事前用網燒或炙燒過，令湯中有啖啖的魚油魚肉香，吃的時候魚肉也有淡咸味，好喝又好吃
換飯------------------------------
北寄貝裙邊 象拔蚌裙邊 三文魚籽手卷
- 大堆頭的貝類組合，鮮甜爽脆，加上口爆三文魚的汁液，異常滿足，因為是最後一個離開，師傅還請我多吃了一條，爽
開心果味雪糕
- 真係有開心味果，唔太甜，本人表示很喜歡
總結:
地方對我黎講太方便，訂價係荃灣黎講有少少進取但可接受，服務好，酒櫃都多選擇，會有預謀地再訪!
Post
