秋香 (康景花園)

Open Now

Now Closed

今日朋友帶我去找「秋香」， 以唐伯虎做主題嘅餐廳， 裝修副有特色， 餐廳舒服， 方便傾計， 仲掛咗一幅中式牌匾添 👉「別人笑我太瘋癲、我笑他人看不穿」！ 我叫咗個《粟米沙律》， 上面加芝士同特製醬汁， 粟米又甜又多汁，原來芝士同粟米好夾，口感極佳，味道淸新，甜甜酸酸， 仲加咗少少七味粉作調味， 好有層次， 真係好好味！之後叫咗《免治雞肉棒》 、《大啡菇》、《牛舌》同《 燒茄子》 做小食。 《免治雞肉棒》口感爽口，因為係由雞肉同雞軟骨做成的， 仲有醬油同蛋黃作調味， 十分惹味！ 貼心嘅《燒茄子》， 加上大量蔥花同蒜蓉， 味道特別野惹味， 仲香噴噴𠻹！ 貼心地提供四種調味香料， 有七味粉，同櫻花蝦等等。 《白鱔煲仔飯》 係我之愛， 白鱔大大件， 厚切的， 十分肥味， 魚香味十足。 仲加咗隻蛋黃，蔥花同櫻花蝦，配上秘製醬汁， 正啦！ 底部嘅飯仲有少少飯焦， 果然係美味煲仔飯呀！ 叫咗杯野莓蝶豆花， 有氣飲品， 味道甜甜酸酸， 外型美麗大方！