Video
Read full review
2025-01-31
87 views
真係估唔到大美督都竟然有隱世嘅私房菜，呢間餐廳11月先開張，我同朋友去大美督玩完之後諗住搵嘢食，突然見到呢間餐廳個裝修好有田園feel，所以就一於入去試吓！呢個套餐六百幾蚊就每人七道餸，等我哋介紹一下啦！前菜係三小碟，包括泰式凉拌蟶子王，香煎蓮藕餅，同黑松露翡翠豆腐！三個小菜都各有特色，個人認為個涼拌聖子最好食，因為好新鮮同埋咬落去好爽脆！而且同三色椒搭配得好好！鮮肉蓯蓉首烏燉豬腱湯每位都可以揀一盅燉湯，我揀咗呢個鮮肉何首烏燉豬腱湯，豬肉燉到好腍，睇得出係經過長時間炮製！個湯底因為落咗好多杞子，所以好甜！潮式酸菜煎煮鷹倉魚呢個酸菜魚特別之處係佢用嘅係一整條鷹倉魚，魚肉好滑，除咗酸菜之外，還有蕃茄，等多種蔬菜，湯底酸酸辣辣好惹味！辣子雞丁呢個栗子雞丁落咗爆多辣椒去炒，所以麻辣好夠！另外佢個雞丁外皮很酥脆！雜橿蕃茄盅賣相好靚，裡面有眉豆，粟米，薏米，旁邊一圈南瓜汁，好健康鮑汁鱆魚雞粒炒飯炒飯好香，飯粒軟糯，因為有鮑魚汁所以是比較濕潤的，但係個人都幾鍾意佢個味道！竹蔗茅根燉菊花豆腐呢個甜品打開蓋超驚喜！豆腐切到成朵菊花咁，可見廚師刀工好了得！果然係福臨門嘅大廚！味道方面不會太甜，係竹蔗的清甜
真係估唔到大美督都竟然有隱世嘅私房菜，呢間餐廳11月先開張，我同朋友去大美督玩完之後諗住搵嘢食，突然見到呢間餐廳個裝修好有田園feel，所以就一於入去試吓！
呢個套餐六百幾蚊就每人七道餸，等我哋介紹一下啦！
前菜係三小碟，包括泰式凉拌蟶子王，香煎蓮藕餅，同黑松露翡翠豆腐！三個小菜都各有特色，個人認為個涼拌聖子最好食，因為好新鮮同埋咬落去好爽脆！而且同三色椒搭配得好好！
鮮肉蓯蓉首烏燉豬腱湯
每位都可以揀一盅燉湯，我揀咗呢個鮮肉何首烏燉豬腱湯，豬肉燉到好腍，睇得出係經過長時間炮製！個湯底因為落咗好多杞子，所以好甜！
潮式酸菜煎煮鷹倉魚
呢個酸菜魚特別之處係佢用嘅係一整條鷹倉魚，魚肉好滑，除咗酸菜之外，還有蕃茄，等多種蔬菜，湯底酸酸辣辣好惹味！
辣子雞丁
呢個栗子雞丁落咗爆多辣椒去炒，所以麻辣好夠！另外佢個雞丁外皮很酥脆！
雜橿蕃茄盅
賣相好靚，裡面有眉豆，粟米，薏米，旁邊一圈南瓜汁，好健康
鮑汁鱆魚雞粒炒飯
炒飯好香，飯粒軟糯，因為有鮑魚汁所以是比較濕潤的，但係個人都幾鍾意佢個味道！
竹蔗茅根燉菊花豆腐
呢個甜品打開蓋超驚喜！豆腐切到成朵菊花咁，可見廚師刀工好了得！果然係福臨門嘅大廚！味道方面不會太甜，係竹蔗的清甜，好喜歡！
個人覺得呢間私房菜無論係裝修同食物味道上面都幾出色，尤其係踩完單車做完運動之後可以食返啲高質嘅私房菜，都係一件幾開心嘅事！
Post
