鋒哥廚房

Open Now

Now Closed

上個禮拜返咗屯門同屋企人食飯，佢哋就推介試吓呢一間鋒哥廚房，話係佢哋嘅同事推介嘅！！一個價錢就食到刺身🍣、雞煲🐔、酸菜魚🐟、任食火鍋放題🥘，聽落都真係幾抵㗎😝😝 星期一至四夜晚五點食到七點，成人每位嘅價錢都只係$318~店員一開頭就會問我哋想食酸菜魚定係麻辣烤魚，兩款二揀一，我哋最後就揀咗酸菜魚🐟，食完之後就再食麻辣雞煲🐔，雞煲非常惹味又唔會過鹹，就算連雞胸都唔會嚡口，屋企人食到停唔到口，好彩係無限任添嘅啫！跟住就嚟到打邊爐嘅環節，湯底方面我哋就揀咗有營蕃茄薯仔湯🍅🥔，除咗有多款靚牛肉之外，呢度竟然仲有勁多海鮮可以選擇，包括有鮑魚、貴妃蚌🐚、花甲、蟶子、元貝、花蟹🦀、海蝦🦐～飲品方面，除咗有各款唔同嘅汽水飲料之外，最特別嘅當然係呢度提供14款生啤任飲，真係唔覺意飲多兩杯都可以回本！🍻最後就當然唔少得食返兩個雪糕做甜品啦，佢哋呢度竟然提供Movenpick、Dreyer’s 雪糕，重點係成個雪櫃嘅雪糕都可以任食！另外都有我非常鍾意嘅維記糯米糍😍😍呢一個甜品真係可以為呢一餐畫上一個完美嘅句號啊！