Video
Read full review
2022-07-27
2125 views
好耐無試過咁期待一餐飯局，真係由知道有得食呢間有預約困難症米芝連一星omakase嘅一刻，倒數左一星期。仲要特登lunch 做gym 去迎接13道美食😋老闆好有眼光，係餐廳未攞到星星前已是常客，所以有幸今晚可以包左8個壽司吧枱座😌 食呢餐飯除咗係享受一流食物外，開心位係有幽默經理哥哥介紹食物,大廚即席表演，用好靚嘅餐具，同埋有識煮野食嘅達人一齊玩估食材，令成個experience is more than just a normal dinner 😇同之前食嘅omakase 不同係主打割烹(Kappo)，除左有生食，大部份菜式嘅賣點係廚師嘅烹飪技術🧑🏻🍳簡直係一場藝術🎨同美食融合嘅表演！꧁☬小編食左咩☬꧂前菜✅冷茶碗伴玉米🌽蓉配車海老- 北海道出產嘅鮮甜玉米充分融入每一啖中🥰茶碗上嘅車海老（即竹節蝦🦐）肉厚質爽甜，，好豐富嘅口感炸物✅薩摩和牛腰脊- 即Sirloin。 油脂分布均勻。好厲害嘅達人仲食到吉列牛上隱藏食材～芥末！(有人仲講出係英國粉狀芥末！）平時5食山葵嘅我，好欣賞新鮮山葵帶有小小甜嘅清新味道，5似平時咁嗆鼻，同食材平衡得很好👍🏻碗物⭕️鱧魚半田素麵-新鮮炸起嘅鱧魚金黃鬆脆
老闆好有眼光，係餐廳未攞到星星前已是常客，所以有幸今晚可以包左8個壽司吧枱座😌 食呢餐飯除咗係享受一流食物外，開心位係有幽默經理哥哥介紹食物,大廚即席表演，用好靚嘅餐具，同埋有識煮野食嘅達人一齊玩估食材，令成個experience is more than just a normal dinner 😇
同之前食嘅omakase 不同係主打割烹(Kappo)，除左有生食，大部份菜式嘅賣點係廚師嘅烹飪技術🧑🏻🍳簡直係一場藝術🎨同美食融合嘅表演！
꧁☬小編食左咩☬꧂
前菜
✅冷茶碗伴玉米🌽蓉配車海老- 北海道出產嘅鮮甜玉米充分融入每一啖中🥰茶碗上嘅車海老（即竹節蝦🦐）肉厚質爽甜，，好豐富嘅口感
炸物
✅薩摩和牛腰脊- 即Sirloin。 油脂分布均勻。好厲害嘅達人仲食到吉列牛上隱藏食材～芥末！(有人仲講出係英國粉狀芥末！）平時5食山葵嘅我，好欣賞新鮮山葵帶有小小甜嘅清新味道，5似平時咁嗆鼻，同食材平衡得很好👍🏻
碗物
⭕️鱧魚半田素麵-新鮮炸起嘅鱧魚金黃鬆脆，青瓜湯係夏日小清新，獨立食我應該可以食一大碗！不過覺得呢道菜因為係carbs,而後面都有飯，所以覺得雖然好好食，不過可以考慮換上其他碗物？又或者前菜係開胃嘅漬物，茶碗放這？
刺身
✅時令白身魚配魚子醬-刺身卷起同山葵同魚子醬一齊食，口感十足。有花🌷伴碟非常精美。本來以為花只係觀賞，但原來小黃花根係小青瓜！好新鮮脆嫩。賞心悅目嘅一小碟☺️
✅炙燒喉墨魚🦑 - 正常發揮，好鮮甜。不過令呢毎個小碟特別之處，係食具用左百年古董碗。飲一啖熱茶再欣賞下古董碗，有意思
✅魚子醬金槍魚押壽司🍣 - 海中黑鑽石💎用左Kaviari ，外觀飽滿渾圓。而金槍魚即香港人所講嘅吞拿魚。入口即溶嘅拖羅配甘香魚子醬，好有口感。本來旁邊嘅配角，紫菜，我有啲想skip 左佢。不過經理推薦用紫茶包著一小匙壽司試下有不同口感，果然有驚喜😍新鮮紫菜好脆，真係有卡嚓一聲！好食好食😋
燒物
⭕️ 鮎魚干物 - 正常發揮，不過鍾意睇個大廚串條魚串得好靚🐟
汁煮鍋物
✅薩摩和牛壽喜燒·慢煮蛋黃- 粉嫩嘅薩摩和牛肉質鮮嫩不再話下，自家醃製蛋黃簡直係出色😍 蛋黃呈橙紅色，顏色亮麗，濃郁蛋味，夠堅挺，可以用筷子完整夾起。真係好食到好想同佢買蛋黃返屋企撈白飯食🥹 蛋黃可以冷卻剛煮好燙口食材，亦緩和濃厚的調味醬汁，絕配！
壽司
✅海膽金槍魚海苔卷 - 非常慷慨嘅海膽份量。海膽味道甘甜，質感細膩，入口即溶，安全填滿口控，好幸福😇
燒物
✅鮑魚配鮑魚肝醬 - 鮑魚口感很鮮味，第一塊鮑魚刺身先單嚐，感受鮑魚原本鮮味，之後第二塊先沾醬食，好creamy。
冷物
⭕️ 八爪魚🐙- 正常發揮。可能冷物放左係濃烈鮑魚肝醬後，未能太欣賞此菜
食事
✅蒲燒鰻魚炊飯/漬物 - 蒲燒鰻魚放係炭火上燒，燒至金黃，再加上有醬汁，鰻魚好有光澤，單係賣相，就已令人垂涎三尺。新鮮鰻魚質感彈牙。食到一半，經理建議可以左高湯同飯一齊食。好鮮甜嘅高湯！友人問經理湯嘅材料，經理說係秘密㊙️雖然5知正確答案，不過我會形容係有木魚同蝦乾，海苔等製成嘅高湯，飲左舒𣈱無比😌飯/湯係可以任添，不過我戰鬥力已經下降，但呢一個任添飯，一定可以滿足大食之人🤣
自家製甜品🍮
✅蜂蜜雪糕🍦及麻糬配最中餅 - 最終嘅甜品有即席表演搓糯米😍煙韌嘅糯米皮配自家製嘅蜂密雪糕同外皮脆卜卜嘅最中餅，為呢一餐畫上完美嘅句號🥰
Sake
✅翠玉-5係一個好識分別sake 好壞嘅人，不過呢支酒聞落好有米香同飲落好柔順，配每一道餸都很好👍🏻如果有興趣嘅朋友，可以+$600，有餐廳幫你sake pairing 添😉
收筆之時已經隔左用餐後3日，但依然回味無窮😛
(◔◡◔) ♥ 人均傷害💰： $3000♥
Post
