嵐月 (AIRSIDE)

Open Now

Now Closed

餐廳裝修時尚，風格現代得黎不失典雅。綠化環境令人覺得舒適自然。石燒板麻辣羊肉烤包 $88 烤包經過鐵板燒烤後，包底更加香脆，包仲有陣麻辣風味。包餡充滿羊肉同京蔥，好濕潤，入口充滿麻辣香氣，食落唔乾唔涸。鵝肝流心脆球 $108 驚豔！趁熱食非常正。脆球包裹住鵝肝蓉，鵝肝蓉非常多亦做到流心效果，食落每一啖都充滿住鵝肝油嘅甘香。咖哩鱈魚春卷 $68 外皮十分香脆，裡面有好多鱈魚肉餡，食落魚味唔腥，仲有陣咖哩香。但咖哩味唔會蓋過魚氣味，係一個比較有創意嘅做法。黑松露燒賣（3件）$78 松露香氣十足，燒賣嘅肉非常新鮮肉汁十足，外皮薄，黑松露味令到燒賣味道唔單調，可以提升肉嘅味道。石獅黑麻糕 $68石獅像真度極高，細緻到連獅頭同啲腳趾都勁清晰，係一個藝術品！外型咁細緻嘅黑麻糕食落軟滑，充滿芝麻香，亦唔會好甜。