S2 鐵板燒 (Closed)

女友不嬲都對海膽菜式情有獨鐘，咁我都容易d focus心水餐廳最後就搵左呢間S2鐵板燒素聞佢地既大廚樂師傅有海膽達人之稱號同埋見到呢間餐廳既食評都幾好應該唔會伏啦呱?!餐廳係居酒屋咁既格局，我地就安排坐係吧檯位置，可以睇住表演黎食飯打開MENU又真係幾多唔同既菜式，海膽菜式都唔少雖然佢地有好多唔同款式既一人前，但有部份菜式我地都無興趣，所以都係決定散叫最後我地叫左海膽醬芝士焗龍蝦、18層海膽杯、黑松露海膽炒飯、A5和牛松茸海膽卷同埋一份十勝黑豚厚燒果然如我所料，完全無伏!真心係每一道菜式都係好正!海膽醬芝士焗龍蝦真係好味到我依家都仲回味緊....每一啖都充滿海膽鮮味同芝士既濃郁口感，配埋爽口彈牙既龍蝦肉真係襯到絕頂!18層海膽杯都係超濃海膽味...因為佢成個海膽杯都有足足四層既北海道紫海膽，耐上其他食材例如明太子沙律、牡丹蝦、花膠同松葉蟹肉等等...食到我女友勁開心!一邊食一邊點哂頭，即刻放低心頭大石呀!其他菜式都係相當出色，連女友都非常滿意食完之後師父送上海膽雪糕俾我地做甜品嘩~~真係估唔到海膽都可以加入做雪糕個味道又幾獨特，唔會覺得古怪或者唔夾