Video
Read full review
2015-10-18
1163 views
適逢星期五，收工後都唔想咁早返屋企住，梗係約下男朋友去食飯。橫掂星期六我地兩個都放假，所以諗住去遠少少既地方食野：） 原本諗住去到九龍灣既mega box入邊食，不過入面d餐廳好食既都幾乎被我地試過哂咁濟,於是上左open rice search 附近有邊間好野食：） 於是就搵到mega box 附近有一間叫做 Siam ai fresco dining 既泰國菜餐廳，係網上面見到評價都唔錯，價錢又合理，最重要都係環境十分舒適，正，岩哂放工後拍拖的情侶黎食：） 間餐廳位於九龍灣地鐵站附近，行幾分中就到了，正正在mega box格離。黎到之後 果然不失所望，環境真係寧靜而且十分高檔，呢度有幾間餐廳，有露天茶座，入面亦有位。我地就坐左入去入面。一坐低之後，侍應就招呼我地坐下，比左張menu 我地點菜。天氣剛剛入深秋，凍凍地，我地就簡左個泰國出名既冬蔭公火煱！點完之後過左一陣就即刻有了！果然快手，即刻急不及待試飲一啖湯，嘩 酸酸甜甜帶點辣 十分好味 ，湯底又夠濃郁，正！ 其後店員為我地送上每人一客既生蝦刺身 同帶子。大大隻生蝦 帶子啖啖肉 甚有咬口 。之後我地叫左肥牛，豚肉。肉質十分新鮮，
間餐廳位於九龍灣地鐵站附近，行幾分中就到了，正正在mega box格離。黎到之後 果然不失所望，環境真係寧靜而且十分高檔，呢度有幾間餐廳，有露天茶座，入面亦有位。我地就坐左入去入面。一坐低之後，侍應就招呼我地坐下，比左張menu 我地點菜。天氣剛剛入深秋，凍凍地，我地就簡左個泰國出名既冬蔭公火煱！點完之後過左一陣就即刻有了！果然快手，即刻急不及待試飲一啖湯，嘩 酸酸甜甜帶點辣 十分好味 ，湯底又夠濃郁，正！
其後店員為我地送上每人一客既生蝦刺身 同帶子。大大隻生蝦 帶子啖啖肉 甚有咬口 。之後我地叫左肥牛，豚肉。肉質十分新鮮，唔似出面雪凍左好耐既肉既質地。肥牛又唔會肥到得層脂肪，所以好好食，絕對係唔差的食材。
另外叫左一d雜丸，蟹柳 紮肉 芝士腸 ，蘿蔔，冬瓜 。食材唔差之餘仲切得好精緻。而且一落左煲到煲兩煲已非常入味，又辣又甜 好開胃，絕對係會令到人食唔停口。好采呢度係任食打邊爐姐，哈哈。
餐廳內環境亦十分別緻，有兩部大電視，又有個bar枱，可以order酒飲。最重要係環境十分寬敞，坐得好舒服。飲品方面我地叫左個清清地既青檸soda, 十分配合酸辣的火煱。
除左食火煱之外，餐廳仲有熟食提供。 而且賣相都十分吸引。食完自己order既野之後，仲夾左d泰式鳳爪 ，同茄汁豆來試。估唔到餐廳除左火煱配料安排得好之外，連一d小食都整得咁別緻同好食,哈哈：）
完全滿足左我地兩個成日挑剔既人士。最後甜品方面 當然係叫左個椰汁糕，椰汁糕好味到食唔停口，好大陣椰子味，真材實料。之後再叫左個mango糯米飯，嘩 呢個必定要食。第一次食呢個甜品，但味道出奇地夾，煙煙unun咁 十分有口感：）
呢間餐廳比我想像中的更高質，而且店員也有禮貌！ 環境又一流，下次同朋友都可以再黎食過：）
Post
