SIAM AI Fresco Dining (Closed)

因為屋企人生日去食, 都唔係好多人, 服務幾好, 食物都好食, 值得推介!蝦, 牛肉都好食; 糯米飯都好好食, 不過芒果有少少酸; 千層糕好食!之前有薑茶, 不過而家無左.... 龍蝦湯底都無左啦.....

Happy Friday,又是令人想吃得好一些 豐富一些的日子所以這天又來了這間泰國餐廳吃半自助午餐,套餐由$98起,以在九龍灣略有質素的餐廳來說,算是蠻划算的。上次到訪時,對它的自助餐留下了挺好的印象,因為每款食物的味道都很不錯,而且refill得夠快。不過,是日人手明顯不足,食物盤子空了好一些時間,才見職員refill。想拿食物的客人都站在旁邊空等了好一會。另外,放出來的湯碗和盤,某些是看到污漬的,明顯清潔不足說回味道,倒還是不俗的。沙津部分有, 札肉、豬頸肉(偏咸和韌)、無骨鳳爪同青木瓜沙律，全部也帶適中的辣味和泰式的酸甜,作為前菊,的確挺開胃。(豬頸肉偏咸和韌)不嚐辣的,也可選擇蘋果沙津或自行配搭車厘茄、玉米、生菜等主菜時間泰式去骨海南雞飯($98)油飯唔算幾香, 不會感到油膩鷄的份量給得不少,尚算嫩滑,啖啖肉!紅咖哩香茅豬扒飯($98)飯和紅咖哩汁是分開上的。紅咖哩不辣，有香濃椰汁味, 用來拌飯可算是絕配飲品點了菊花薑蜜,既有菊花的清甜又有薑那微微的辣勁,是暖胃之選甜品都是泰式糕點如椰汁糕、西米糕等,而我最喜歡的,就是芒果糯米飯甜甜的芒果切成丁粒,配上煮得夠淋夠黏糯米飯煮得夠

Select only the salad bar for $88 and need to pay extra 10% service charge.The only service I got was the collection of empty plates.Soup: chicken and coconut(I didn't find any chicken in it after scooping several times),tom yum gung(The only dish I feel ok for this meal, you can find shrimps in it)Salad vegatables: only lettuce, corn kernel, cucumbers and cherry tomatos.Thai salad: green papaya, cold chicken feet, cha lua, grilled pork neckDessert: Sticky Rice with Mango(I never had any mango m

好抵食，亦好好味，尤其隨意任食的食品比主菜還更出色，絕不媽夫！主菜食唔晒仲允許打包，絕不浪費，值得稱讚。但主菜海南雞伴豬脾肉附帶的滷水汁把美味的雞油飯弄濕而變得不好吃了！另餐廳環境優美舒適，露天部份更覺雅誌！

見團購有優惠，賣相又幾好所以落搭了，個團購係半自助餐形式， 我地揀左8:15-10:15pm 呢段時間。當日全場有4，5 枱人， 而食物種類唔多，賣相亦唔吸引。泰式鳳爪：呢d 基本菜式以為泰國餐廳唔會差得去邊， 點知-----------「葉」得唔入味好重雪味。泰式豬肉： 豬有豬嘅味， 汁有汁嘅肉。主菜：海南雞拼豬手： 出色，雞淋唔滑，好重雪味，一大舊唔切就上枱比客， 正！ 而豬手味ok, 有d 似中式扣肉味但太肥膩。黃薑飯好得， 室溫飯，差在唔係比凍飯我食姐！ 泰式龍蝦： 除了啖啖肉外無特別。甜品：椰汁西米糕： 睇相就知啦， 西米係未熟嘅。蛋糕：d cream 口感好有太陸feel, 唔識點形容。唯一ok： 炸雞槌， 因為味同0麥記好似， 所以叫擺得入口。 服務：其他職員正正常常，但一個肥肥地嘅執枱阿姐， 起我地仲有個main course 只係食左幾啖時，就走黎問我地係咪唔要嫁啦， 下一秒就想收走我地d 野，果時都只不過係9pm, 完全好似唔想你繼續食落去，阻佢收工咁。 呢間野完全無下次！

今日放假同男友及佢媽咪係九龍灣德福買恤衫，買完諗食咩我就上網搜尋，搵到呢間以為有火鍋任食，原來已經無左了，但男友聽到有芒果糯米飯就好想食，我地就去左試。佢有三個主菜，三個唔同價錢，做緊半價優惠，個價錢包沙律小食飲品甜品任食。周圍環境都幾好，幾好坐。龍蝦$388細細隻幾啖肉，辣辣地唔算新鮮，可以唔試牛排$288煎得幾好，但唔係咩靚排海南雞豬蹄$228男友同佢媽咪覺得無乜味 無乜特別星期六日及假期另收$10加一後，三個人合共$573今次我會俾一個普通既評級，因為食物唔算好吸引，最不滿係三個女侍應圍埋傾計傾左成餐飯，唔係點做野，其實平時食物唔算太好我都會因為服務俾滿分，呢間野食物唔算差，但又無咩驚喜，而侍應亦令我覺得麻麻地。同埋人均價$191，我偏向會選擇放題。一開始有個肥叔叔招呼我地，佢好積極既，但佢一走左其他人就開始hea了，希望店主睇到會改善，好多時，員工都好影響生意額。一開始啲野食黎晒，我地食緊個女侍應黎收碟，我地話我地用緊，佢仲不滿咁放低，到有野要收又唔黎收。芒果糯米飯亦唔好食，食左陣男友想再食，面啲芒果已經無晒，亦無侍應再添過，呢樣野令佢好失望。出面食既野都好普通，有豬頸肉沙律，

好耐之前已發現呢間泰式火鍋，但實在太少會經過九龍灣喇，所以依家過開嚟至有機會試。每人188蚊，叫左冬蔭公湯底，加20蚊雙拼左個椰汁雞湯，好香椰汁味，兩邊都好正。一坐低先嚟每人送兩隻生蝦，食物種類都算多，肥牛、五花腩片、海鮮、丸、菜。。。乜都有，大蜆一定要攞落冬蔭公果邊淥，十級惹味佢有廿級！除左火鍋配料，仲有好多泰式熟食同甜品，炒通菜好正夾左兩碟，去相先！要提一提係呢度個芒果糯米飯，真係唔錯椰漿同飯仲微暖加埋芒果香甜，一出即刻個個去排隊攞。

因為見到facebook推介所以去左呢間到試下，加上見佢有任食芒果糯米飯，所以更加令我想去試去到有得撰湯底，由於我唔太食辣，所以撰左個椰汁雞湯，味道比我想像中好食，濃濃椰奶味食物方面係自己到自助吧任拎，食物方面就普普通通，不過都可以接受，不要期望太高其實最值得讚賞係，佢有少許熟食，前茶及甜品，我覺得真係幾好食，食下火鍋又可以食下嗰啲另外，想講一講糯米飯，佢係有分紅米同白米，亦唔驚佢多人拎甘快無，因為佢啲小小芒果係面一比人拎晒，佢就會入去refill啲新鮮嘅飯同芒果，重點係暖甜品方要仲有椰汁千層糖等泰式甜品，真係好好味嫁最後最後，佢仲每人送2隻泰式生蝦嫁

本身11月就打算去 但係whatsapp問個時就一早已經full哂 後尾wtsapp幾次都無應就不了了之 直到最近心血來潮打電話去就好快book到 一入到去環境唔錯 都幾寬落叫左個椰子湯底 感覺只係冬蔭公既少辣版食唔出椰子味 配菜都幾好食 但選擇唔多不過個生蝦真係幾好食 好彈牙但好似係限量供應火鍋配料變左係自助形式 冇左餐單 但係食物選擇少左 魷魚十分爽口 其他就一般水平 而飲品都只係得汽水同啤酒 仲有一款熱薑茶侍應態度唔錯 會不停幫你refill牛肉同豬肉！本身之前要加錢既芒果糯米飯而家都變左任食 每次一refill就好多人搶住食試過又真係好食 停唔到口 不過芒果有d酸味太突出 如果甜返d會更平衡 一個人食左二百幾 有d貴

訂枱可以打電話或者send whatsapp，可能係聖誕檔期繁忙既關係，電話打左好多次都冇人聽，send whatsapp回覆話成個12月都full booking。但由於成班feiend都想試，所以再打去，幾經辛苦先等到有人聽，仲話有位添，咁我就唔追問佢點解whatsapp話冇位啦～火鍋料一般既都有齊，係冇餃類，海鮮就得蜆，肉類就得牛同豬。我地對豬同牛都好失望，豬肉太肥牛肉太瘦兩種肉都唔好食。湯底方面就有椰子湯同冬蔭公湯，可能我地成班人都鍾意辣，就嫌本身個湯唔夠濃，於是係自助區拎幾碗冬蔭公湯倒落個鍋到，係濃味過本身既湯底嫁！食食下我地直頭用冬蔭公湯代替豉油，仲爽皮！驚喜既反而係熟食區，炸雞翼熱辣辣超好食，仲有馬拉盞炒通菜、無骨鳳爪、蝦餅等泰式小食。甜品除左必食既芒果糯米飯、仲有椰汁西米糕、芒果mousse cake、椰汁糕等，都算幾多選擇。野飲有啤酒汽水任飲，但我地個晚就得啤油雪碧，同埋熱芒果薑茶，都值得一試既。

 呢間野不知所謂，我14/12星期三訂左位，當時佢地話有位，而家4日後，即今日，突然話full左，不知所謂，星期三訂位話OK，星期日先話Full左？唔知佢地係咪因爲聖誕有人包場，不過咁做生意，佢地真係冇得頂!

最近天氣凍左，所以頻頻約朋友去打邊爐。朋友見到呢間用泰式湯底打邊爐好似幾特別所以決定試下。首先佢環境唔錯，因為唔係好多人打所以唔會好污煙漳氣。至於食物方面，佢地送左一碟泰式生蝦，蝦都算新鮮幾爽口彈牙。我地湯底叫左冬陰公，味道偏鹹，尤其打到後尾真係好鹹跟著每枱一碟生牛肉同生豬肉，每人只可以食到各一片，份量都幾少，味道就普通。至於任食方面就有salad bar：泰式雞爪、扎肉、生果沙律、蝦碌、炸雞等...味道都唔錯。邊爐bar 就有墨丸、貢丸、龍蝦丸、芝士腸、午餐肉、菜、響鈴、烏冬、出前一丁等...甜品就有椰汁糕、芒果糯米飯、芒果蛋糕等...個人覺得芒果糯米飯最好味總括黎講，打邊爐食物種類少但環境靜靜地可以同朋友傾到計，服務員的態度尚算可以。

最近工作忙,難得一日約左好朋友食一餐,就黎左一直都好想試,位於九龍灣既SIAM AI. 平時朋友圈中都有人介紹哩間野,最有特色就係哩度既自助泰式火煱,今日終於有機會試下.收工黎到已經幾夜,餐廳外燈飾布置好有格調,樓底都好高,正門又係全落地玻璃,離遠望到已經覺得好有氣派. 入到去裝修都唔錯, 好有空間感. 好彩一早有BOOK位,雖然遲左少少,但唔洗等好耐就有位.食物種類唔算太多, 基本火煱既配料都齊,由於遲到關係,我地掛住食唔記得影相.由於朋友唔食牛,所以我都就下佢一齊唔食. 食材方面大致都算新鮮大蝦幾好食,唔錯,好肥美!! 不過海鮮既款式就比較少, 求精不求多丸類方面都係差唔多,大部份凍肉舖有既哩度都齊,其中芝士丸十分出色.個人覺得比周街的凍肉舖出品黎得好食. 由於人數少,基本上所有野都係羅一次食就算,但油墨菜我地羅左兩次, 因D 菜都好靚, 乾乾淨淨, 食多D菜又好 最後, 自助火煱黎講, 哩度野食不過不失, 雖然無重大驚喜, 但係價格公道, 環境又唔錯. 不失為一個晚飯好去處.

睇到網上介紹，睇落好似幾好，所以來試試。book了早段時間，5點半去到門口，一個客人都無，在外面猶疑左一陣，和朋友商量後，還是想試試，返正都來到了。環境都幾好，有得坐窗邊位，叫了椰汁雞湯底，有點驚喜的是椰汁好香濃，但失望的是湯底是沒有雞件的。火鍋配料的牛肉、豬肉都不錯，食完一碟可以再order。還有一些自助取的配料，但海鮮只有蜆，沒有之前網上介紹提到的蝦和扇貝。仲有就係一些丸類，都算很新鮮。熟食的種類好小，只有6款，但有我的最愛蝦餅，好有咬口很彈牙。雞翼都好入味。但網上介紹的串燒和炒青口就完全不見蹤影。沙律很好吃，有金柚沙律，扎肉沙律，生菜都十分爽口新鮮。甜品都是一般的泰式甜品，不算好食，沒太大驚喜。總括來說，網上最近介紹的餐廳資料，和實際的情況有很大出入，很多介紹的食物都沒有出現。另外，有些食物攞完就無，不會添加。蝦餅會限量供應的，攞左一次，無曬就5會再有。火鍋配料的菇類取光了，也遲遲未見餐廳添加（大約一個鐘都無添加過）。但勝在價錢實惠，泰式湯底很特別，所以試試也ok。

尋日放左一日大假，因為遲D要搬屋同老公去左九龍灣宜家買D屋企野，晚市訂左呢間食泰火鍋，因為幾抵又係泰式(我好鐘意泰式飲品同甜品)。講真呢間全間落地玻璃，好Grand 好High，我同老公好耐無浪漫下，呢度都頗有情調，環境唔錯。選左個泰國椰汁雞湯湯底，D椰味濃架，但係會等別帶左D少少酸辣咁，幾開胃，飲到有D香茅加左落去，幾香有層次感，湯水先嚐左大半，之後才打邊爐，因為個湯好飲，加左D料打邊爐會咸晒，飲唔到！講到打邊爐都係普通野，200蚊度算係咁，美國肥牛、豚肉、雞肉OK啦，算好吃，另外我叫左好多丸同菜，粟米仔、雞脾菇、娃娃菜(呢款吸收雞湯好甜好鮮)，重有係D芝心丸(咬開爆芝士醬，勁好味)，鮮蜆、墨魚片新鮮度一般，D丸類幾好新鮮嘛！我推介加少少錢叫泰式飲品叫左珍多冰、檸檬梳打同熱柑桔蜜，好開胃，飲品有一貫泰國質素，令你可以繼續Encore 打邊爐！甜品加錢叫左個泰國芒果糯米飯，D芒果夠多，香甜，其實飯不算大甜，有好濃椰香，好好食(我同老公最期待呢款甜品，無失望)其實呢餐幾抵食，海鮮好一般，但肉、丸、蔬菜同沙律都唔錯，如果去旺角呢個價食真係食唔到！