Video
Read full review
2017-08-01
3254 views
難得又可以再因工作關係可以同屈小姐食個Lunch，心情由一起身就處於亢奮狀態！當做好左上半晏既工作後，賴生就出發去搵位等屈小姐啦！由永樂街1號Polo Shop 側邊行入去就會見再世瑛大廈，而大廈入口就座落係豆漿舖隔離，紅色既門口，行入去搭𨋢上2樓就係啦舖頭唔大，大約可以招呼到30人，乾淨企理，唔錯既！不過想食就要早DD黎，事關真係幾多人下⋯一到Lunch time好快就坐爆晒，變左要企舖頭出面既走廊等，夏天企就有D悶熱⋯賴生拎左位之後，就Send定Menu比屈小姐揀下食咩啦，而賴生當然係現場觀察下其他人叫D咩食啦，等到屈小姐差唔多到既時候，賴生就落Order啦1）辣菜譜：5⭐️ 每枱既枱面都有1樽任你加同食既辣菜譜，唔會太辣，辣到人眼淚流果隻，而且就咁食味道都唔會太咸，不過最正係撈白飯食！超香，又帶微辣，送飯的確一流！ 呢樽野比左人另一個食飯既選擇，幾好幾好2）海南雞飯：5⭐️雞件夠晒多夠晒滑，斬雞既技巧亦好出眾，一早將雞殻果排肋骨斬開，等客人方便進食，上排雞肉啖啖肉，而下排雞肉就帶骨香再者，雞件一D都唔肥，皮下脂肪近乎零，雞皮略微用鹽醃制過，配以自家制甜醬油/薑蓉，令人欲罷不能！飯底雖
由永樂街1號Polo Shop 側邊行入去就會見再世瑛大廈，而大廈入口就座落係豆漿舖隔離，紅色既門口，行入去搭𨋢上2樓就係啦
舖頭唔大，大約可以招呼到30人，乾淨企理，唔錯既！不過想食就要早DD黎，事關真係幾多人下⋯一到Lunch time好快就坐爆晒，變左要企舖頭出面既走廊等，夏天企就有D悶熱⋯
賴生拎左位之後，就Send定Menu比屈小姐揀下食咩啦，而賴生當然係現場觀察下其他人叫D咩食啦，等到屈小姐差唔多到既時候，賴生就落Order啦
辣菜譜
152 views
0 likes
0 comments
1）辣菜譜：5⭐️
每枱既枱面都有1樽任你加同食既辣菜譜，唔會太辣，辣到人眼淚流果隻，而且就咁食味道都唔會太咸，不過最正係撈白飯食！超香，又帶微辣，送飯的確一流！
呢樽野比左人另一個食飯既選擇，幾好幾好
海南雞飯
$65
153 views
0 likes
0 comments
2）海南雞飯：5⭐️
雞件夠晒多夠晒滑，斬雞既技巧亦好出眾，一早將雞殻果排肋骨斬開，等客人方便進食，上排雞肉啖啖肉，而下排雞肉就帶骨香再者，雞件一D都唔肥，皮下脂肪近乎零，雞皮略微用鹽醃制過，配以自家制甜醬油/薑蓉，令人欲罷不能！
飯底雖則唔係油飯，但用既卻是珍珠米，而且食得出有微妙既香料味，重口味人士(如賴生)撈埋果個辣菜譜又係食唔停口！
手拆蟹肉泡飯
$95
202 views
0 likes
0 comments
一上枱，超大碟，碟底又夠深，就算係賴生食都一定會飽！而且眼見勁多蟹肉絲，岩晒我地呢D懶人食！不過，蟹肉絲並唔係最震撼我地既一樣野，而係泡飯個湯！真心濃郁蟹鮮味，好似成隻蟹連蟹黃溶化晒係個湯咁，撈埋白飯同蟹肉食，真心不得了唔怪得屈小姐一試完就係咁叫賴生快D試
雞湯浸菜
$20
98 views
2 likes
0 comments
4）雞湯浸菜：4.5⭐️
好甜呀！D菜浸完雞湯，有DD藥材味，索晒湯既精華，令每條菜都甜到入心，而菜味就沉甸左係湯入面，令成個湯充滿晒小棠菜既味道⋯而極度鍾意食菜既屈小姐⋯趁住賴生嘆緊個辣菜譜拌飯既時候，偷偷地靜靜雞飲晒，而賴生其實眼尾係睇到既，不過見難得屈小姐咁主動飲湯，賴生老懷安慰，由佢飲晒（不過賴生之前一早飲左幾啖啦）
黃酒雞湯
103 views
1 likes
0 comments
雞功房精心傑作！私心建議一定要趁熱飲！ 好味十萬倍！呢碗湯落左蟲草花，係屈小姐同賴生都好鍾意既食材，對易頭暈既人好有幫助！
不過佢既好味之處係滿滿酒香，又帶極鮮甜既雞味，繼而有陣陣既藥材味，飲到喉嚨就有暖暖既薑味！真係超超超好飲！係我地飲過最最最好味既黃酒雞湯！
自家制超滑布甸
87 views
0 likes
0 comments
6）自家制超滑布甸：4⭐️
食完正餐，侍應隨即就拎左Lunch附送既自家制既超滑布甸，係朱古力味既，底有朱古力粉沉底，不過唔多，無咩影響，而味道就好似麥當勞既朱古力一樣，偏甜少少，但佢個布甸真係勁滑溜，Sir入口咁，完全無食到粉粒感覺，拎住個盒震既時候，仲可以有震騰騰既效果嫁 正！細細杯，一杯一個人岩岩好！
雞功房真係功夫十足，真心正，雖然價錢都要$65起，但係上環有咁既質素，值呢個價錢的確超值！賴生同屈小姐食完都覺得不枉此Lunch，我地一定會再黎既！
#開心係可以食到Lunch限定
#更開心係可以同妳食Lunch
#食到好西更加再開心D
#最最最開心係與你分享
Post
