沙田友冰室 (Moved) New Location

呢間野越來越衰。幫襯過幾次堂食都唔係話特別好食。今次叫外賣 真係差到一個點 忍唔住要寫個劣評。叫咗個雞扒脆豬包。佢係白烚雞扒加餐包 乜嘢味都冇 雞扒鞋颯颯 豬仔包變咗餐包 中間做咩醬料都冇。$41蚊食咗啲乜野？另外叫咗星洲炒米 完全冇鑊氣冇咖喱味 米粉係用嗰啲cheap嘅湯米粉 又係劣食。跟餐叫咗兩杯凍檸茶 一杯走甜一杯少甜 兩杯都係超甜 完全係無視客人嘅簡單要求。做茶記做到咁求其 不如唔好做收銀個女人超冇禮貌 收咗$100 （我要俾$104）但搵唔到$4散紙 我就俾多張$500紙佢 佢竟然問我俾咗錢未 我3秒之前先俾咗$100佢 跟手佢找返$396俾我 我話你找少咗$100 擾攘咗一陣先至肯俾返我 痴晒線 總之一句 呢間嘢冇下次 名過於實 咁嘅環境用咁嘅質素咁嘅服務態度想生存 慳啲啦 成個石門冇晒嘢食我都唔會幫襯佢。