生昌潮州海鮮酒家

Open Now

Now Closed

有朋自遠方回來，暫居大圍，籍貫潮州，要諗食咩，好然就會諗起潮州打冷，好讓佢懷念一下舊時的味道。向來喜歡打冷，今次乃第一次幫襯生昌。鹵水鵝片，係潮州打冷嘅一個重頭戲，素來對鵝片都又愛又恨，愛她鹵水味濃，但恨她太肥膩。但係生昌嘅鹵水鵝片真係值得一讚。肥瘦適中，肉質柔軟，重點係相當之入味。鵝片底下嘅豆腐同花生同樣不容忽視，一向以黎我都唔會主動食鹵水花生，覺得又無味，又硬。但係呢度嘅鹵水花生炆得又淋又入味，係第一次令我食唔停口。點鹵水鵝片嘅醋都好味，蒜味香，實在係絕配。至於蠔餅，個人覺得太硬，蛋味亦唔夠，外面又唔脆，實屬一般。韭菜豬紅ok,豬紅新鮮，但個汁唔夠惹味。韭菜亦可以多些。後來再睇其他blogger嘅食評，先知道凍烏頭好出名，下次再黎，一定encore鵝片同試下鼎鼎大名嘅黃油烏頭。