六両三.台灣食堂

Open Now

Now Closed

觀塘區的台式食肆不多，也不算少，要突圍真的一點都不容易。坐落在工業區，我認為單憑佢地既一碗牛肉麵，已經相當夠做。六両三位於巧明街的商廈，鄰近APM，地理位置不俗。用膳當晚，我點了一個半筋半肉麵，一碗滷肉飯，一碟燙青菜及一碗炸雞脾，另加兩杯冬瓜茶，份量岩岩好。先講牛肉麵，我選了川味紅燒湯，湯底好濃好香，但唔覺有味精，單憑佢地既湯底已經夠令我回頭再幫襯。麵質都幾彈牙，筋肉都滷得想當入味，又有少少咬口。但問題係我加左麵(免費的)都好似仲係好細碗，有少少唔夠喉。滷肉飯都幾好味，但味道略為不及隔離街的龍鳳號，但都已經想當唔錯。怕太濃味的可以滲多碗白飯。炸脾方面，佢地既炸脾冇用炸漿，有少少驚喜，炸完D肉都仲算幾嫩口。