御滿屋日本料理

Open Now

Now Closed

難得嚟到荃灣，又見餓餓地，梗係要行返轉大鴻輝先啦！作為荃灣其中一個餐廳最密集嘅地方，開得響度嘅餐廳都有料就一定㗎喇。而我今晚食嘅「滿屋」就係其中一間比較出色嘅餐廳。我今日就揀咗個最抵食嘅選項，有77款美食可以食到飽。刺身方面主打油甘魚三文魚同埋北寄貝。而我自己最鍾意食嘅劍魚腩呢度都可以任點任食。上菜嘅速度都好快，絕對唔會耽誤時間，名副其實嘅「只有食得慢，沒有上得慢」。另外都講下自助區，飲品款式多就不在話下，雪糕雪條區款式亦都好多，如果仲未飽，呢度仲有部爆谷機可以試下玩添。