La Parrilla Steakhouse

今日舊同事帶咗我去北角一間阿根廷餐廳食晚餐，佢話入邊主打食牛扒而且價錢比較親民非常適合平時聚餐。牛肉餡餃呢款自家製嘅餡餃可以揀牛肉味或者雞肉味，今次我哋就揀咗牛肉嚟試吓先，呢個餡餃外皮炸得香脆，但係就一啲都唔油膩，入口仲充滿肉汁配埋旁邊辣辣地嘅蕃茄醬汁沾黎食非常滋味。燴蘑菇蘑菇份量充足，充滿好香嘅牛油味口感濃郁。菲力牛扒今次叫咗五成熟牛扒外表煎得微微焦香，切開呈現粉嫩嘅粉紅色，肉質相比肉眼油脂分布不多但入口卻十分軟嫩。肉眼扒上枱已經聞到非常之香，油脂分布平均配埋烤焗完既蒜頭加埋一齊食非常香口。