Video
Read full review
2017-03-07
1747 views
幾位舊朋友相約飯聚，想食好一點，到處搜尋食物質素高的fine dining venue。大家放工時候都唔早，又想有點私人空間，諗諗下想起多年前同朋友慶生的私房菜。難忘Amina高質的食物同舒適的房間，馬上打去訂座後一直期待著飯局的到臨。因為私房菜只招待會員的關係，提早訂座是必需的，私人房間亦需要request，店主會盡量安排。來到飯局當天，一行四人到達龍記大廈。大廈唔算太起眼，但門號清晰唔難找。上樓馬上可以睇見Anima的招牌，揭開完美晚宴的序幕。入內環境好舒適，微暗的燈光令人感覺好舒適。店主安排左四人房俾我地，關埋門可以當自己屋企一樣，暢談近況。房間內都頗有格調，燈光、音樂都令人好放鬆。牆上的掛畫都可見店主品味。檯中央有小小的燈檯同最愛的玫瑰。好耐無見，呢晚我地決定豪一豪，選用價錢較高的10道菜晚宴，另外亦點了生蠔、魚子醬。坐低無耐，店主就入來介紹，同時捧上自家製麵包。麵包香軟，醬汁亦十分有特式，大廚親自調製，出面無可能食到的。開左胃後就是朋友最愛的魚子醬，店主親自0係我地面前打開，貨真價實。點選魚子醬的價錢，已配有餅乾、檸檬、忌廉，可按口味配食。Caviar味道偏濃，味道香而厚，岩
來到飯局當天，一行四人到達龍記大廈。大廈唔算太起眼，但門號清晰唔難找。
上樓馬上可以睇見Anima的招牌，揭開完美晚宴的序幕。
入內環境好舒適，微暗的燈光令人感覺好舒適。店主安排左四人房俾我地，關埋門可以當自己屋企一樣，暢談近況。房間內都頗有格調，燈光、音樂都令人好放鬆。牆上的掛畫都可見店主品味。
檯中央有小小的燈檯同最愛的玫瑰。
好耐無見，呢晚我地決定豪一豪，選用價錢較高的10道菜晚宴，另外亦點了生蠔、魚子醬。
坐低無耐，店主就入來介紹，同時捧上自家製麵包。麵包香軟，醬汁亦十分有特式，大廚親自調製，出面無可能食到的。
開左胃後就是朋友最愛的魚子醬，店主親自0係我地面前打開，貨真價實。點選魚子醬的價錢，已配有餅乾、檸檬、忌廉，可按口味配食。Caviar味道偏濃，味道香而厚，岩哂重口味的我地。
魚子醬後，生蠔之前，店主亦安排左一款小品比我地清一清味蕾。好特別的Pama Ham，雖然係傳統地配上蜜瓜，卻非傳統地將蜜瓜打成蓉，口味更佳。兩款都是法國生蠔，如預期般令人滿意。法國的高級生蠔總是海水味濃，after taste持久，從不令我失望。
生蠔是店主親自開的，細心的店主將柱貝位亦切開，方便大家一啖入口，十分貼心。
《輕煎北海道帶子》淺嚐新鮮的高級食材後，就正式開始享受大廚設計的十道菜晚宴。打頭陣的是輕煎北海道帶子。帶子十分厚身，表面輕輕煎香，咬開依然軟滑，且鮮味十足。鋪在表面的泡沫，混和三文魚子，將鮮帶子的鮮味再提升了一個層次。
《美國穀飼牛肉他他》法國餐常見的一道菜式，簡單卻考功夫。大廚的刀功將牛肉切得大小剛好，可以均勻混和醬汁及配料。每一口都是鮮味。雖然大廚好有心思，另外配上三點醬，但我認為牛肉他他還是原味最好食。
《法國野豬肩肉凍》呢道係其他地方比較少見到的一道菜，豬肩肉打成蓉再做成肉凍，質感如鵝肝的軟滑、火腿的厚實。配上少少蔬菜，絕對唔係一般沙律可以比美。
《龍蝦忌廉濃湯》菜如其名：龍蝦啖啖肉、忌廉湯底質感軟滑、湯汁整體濃厚有鮮味。
《香煎法國肝鵝》非常傳統的菜式，fine dining沒有鵝肝大概是一種缺失吧。煎鵝肝的火候控制十分重要，太輕會唔夠熟，太重又會過乾。大廚的火候控制剛剛好，鵝肝咬開軟滑又唔鬆散，值得一讚。
《檸檬木煙燻阿拉斯加蟹肉》呢道菜絕對晚宴的驚喜位，看似簡單卻充滿心思。蟹肉新鮮不在話下，烹調的手法才是亮點。新鮮蟹肉被檸檬木輕燻過，有點木香和煙香混和。配以溫泉蛋，蛋汁流入蛋肉中，再點上微酸的醬汁，味道十分有層次。
幾欣賞店主設計菜單的鋪排，精彩的前菜帶大家進入高潮之前，安排了一款水果雪葩，比大家心情和味蕾都冷卻一下。雪葩同樣是高品質，食食下傾下計，令大家更期待稍後的主菜。
《法式春雞》四款主菜各有特式，我選左法式春雞，貪其工序複雜，一般食店未必食到。春雞烤焗後，表皮少少香脆，肉質多多嫩滑。雞沒有急凍的雪味，反而真正有雞味。醬汁有兩款，不同味道及層次，好有誠意。
豐富的晚宴，叫我地飽足過後，亦有飲杯花茶、傾下生活點滴的時間。店員非常有誠意地捧上各款茶包和茶花，供自由選擇及配搭。
茶壺有小燭台保溫，慢慢嘆都唔怕凍，貼心得很。
《自家製海鹽焦糖蛋糕》甜品是自家製，仲有大廚的「簽名」。蛋糕份量剛好，甜甜的又帶微微的鹽味，為晚宴畫上完美的句號。
《雪影》甜品過後，大家都有點好奇為何多一道「雪影」？原來是五款不同口味的朱古力。五款朱古力味道不同，外型亦各有吸引之處。
一整排列在鏡面之上，再灑上「雪花」，取其名「雪影」，十分有詩意。到了尾聲，亦令我地一行四人不得不佩服店主的心思。整餐晚晚食了足足四小時，一口氣嚐盡各款美食。款款有質素、有誠意。環境、食物、服務都令我地幾個十分滿意，實在唔簡單。雖然價格唔低，但性價比甚高，付出的金錢絕對無白費。第二次到訪，比第一次更有驚喜，有機會還是會再來的。
Post
