十兄弟車仔麵 (Closed)

OpenRice 外賣落單寫到明要走蔥走豬皮，到番到屋企打開見到豬皮就識走，蔥就照落，師傅睇字唔識睇晒全部嘅咩？都已經唔係忙，店舖目測堂食都只不過得幾枱客，難道係太得閒仲夢遊緊？預咗D道德X會話：體諒下喇～師傅可能一時落錯手啫⋯⋯之類，如果佢豬皮都冇走嘅話，我會當佢係睇唔到我寫嘅備註，但佢走一樣唔走一樣係咩意思？仲有，白紙黑字寫到明，仲要我去包容佢？D肉又乾又柴完全唔知食緊乜，雖然係灣仔星期日好多店舖都會休息，但尼間係唔會再幫襯。