Alva House

Open Now

Now Closed

因為有圖片數量限制，所以只可以精選幾款出嚟做個記錄。一早預訂咗自助餐同屋企人慶祝生日。如果以自助餐嚟講嗰場其實都唔算細，嘢食種類都係夠食。凍盤海鮮嚟講，一啲都唔吝嗇，不停refill, d龍蝦多膏。個帶子吞拿魚蓉建議早啲去食，因為夜咗21:00鬆啲就開始冇。啲生蠔唔算大隻，都兒有海水味。燒牛肉唔算出色，但係個葡式乳豬就係我嘅至愛，唔太肥卜卜脆超鍾意。另外黃牛粒同埋鵝肝都係隨意攞，真係食得開心攞得盡興。都係嗰句平時真係好少食甜嘢，但係見到佢咁多款又唔係太大舊就樣樣試啲，都係正常酒店水平嘅蛋糕，可以留肚試吓。除咗自家製雪糕仲有Häagen-Dazs⋯⋯十分足本，食完個生冷嘢，係咁尾段嘅時候仲有海底椰燉湯飲，和一和個胃舒服曬。雖然而家食量冇以前咁驚人，但耐唔耐都希望盡興吓，呢間又真係唔錯嘅選擇。事次用餐為自費！