Video
Read full review
2024-11-09
1282 views
如果問我餐廳好唔好食，我會話中規中矩唔難食。 如果問我會唔會推介呢間餐廳，答案係唔會因為佢好趕客。可能因為星期六晚飯時段，餐廳座無虛席。上菜速度好快，而且一氣呵成～基本上叫咗嘅菜一次過就會幫你上晒。食物味道唔差不過冇驚喜。問題出係邊？就係佢哋嘅服務。1.座位放得好逼。有椅背貼椅背嘅情況出現。2.印象中淨係見到佢哋補充過一次茶水。之後喝死都唔會有人得閒理你。3. 一套碗筷走天涯。基本上你全晚只有一隻大碗。 無論你食咩餸都會係用嗰隻碗。本人都係第一次用碗食片皮鴨。上甜品都冇人幫你換碟，咁即係想點？4.餐廳明顯唔夠人手。目測大約只有四至五位侍應。 其中一位係實力派盡量兼顧各樣項目可惜一夫當關難以匹敵。 其他嘅只係一羣豬隊友。5.由於人手不足根本趕唔切翻枱更加唔使諗有人幫你執碗換碟，所以全晚基本上都係同啲污糟嘅碗碟一齊食飯。想搵個角度影靚相係好難，因為無一個角度系睇唔到枱面上污糟嘅碗筷。全枱朋友嘅共識就係唔會再幫襯。見到佢星期六晚咁多客當然可喜可賀。 但如果服務維持喺呢個水平，咁就替佢擔心。始終今時今日咁多選擇咁嘅服務水平......
可能因為星期六晚飯時段，餐廳座無虛席。上菜速度好快，而且一氣呵成～基本上叫咗嘅菜一次過就會幫你上晒。食物味道唔差不過冇驚喜。
問題出係邊？就係佢哋嘅服務。
1.座位放得好逼。有椅背貼椅背嘅情況出現。
2.印象中淨係見到佢哋補充過一次茶水。之後喝死都唔會有人得閒理你。
3. 一套碗筷走天涯。基本上你全晚只有一隻大碗。 無論你食咩餸都會係用嗰隻碗。本人都係第一次用碗食片皮鴨。上甜品都冇人幫你換碟，咁即係想點？
4.餐廳明顯唔夠人手。目測大約只有四至五位侍應。 其中一位係實力派盡量兼顧各樣項目可惜一夫當關難以匹敵。 其他嘅只係一羣豬隊友。
5.由於人手不足根本趕唔切翻枱更加唔使諗有人幫你執碗換碟，所以全晚基本上都係同啲污糟嘅碗碟一齊食飯。想搵個角度影靚相係好難，因為無一個角度系睇唔到枱面上污糟嘅碗筷。
全枱朋友嘅共識就係唔會再幫襯。見到佢星期六晚咁多客當然可喜可賀。 但如果服務維持喺呢個水平，咁就替佢擔心。始終今時今日咁多選擇咁嘅服務水平......
Post