禪

Open Now

Now Closed

今晚去咗位於沙田新城市廣場嘅 Zen By Tera，餐廳以日式木系裝潢打造，座位整齊，入內給人一種恬靜悠閒嘅舒適感。呢次點咗明太子蟹肉意粉同安格斯牛月見蛋丼。兩道主食都加了 $28 升級成定食，多咗餐前小食同飲品，呢個升級真係好划算！明太子蟹肉意粉味道相當不錯，意粉煮得剛剛好，帶有彈性。明太子醬汁濃郁，與蟹肉嘅鮮甜搭配得很好，整道菜充滿了海鮮味。至於安格斯牛月見蛋丼，牛肉嫩滑，蛋黃與香噴噴嘅米飯融合，每一口都令人滿足。餐前小食方面，揀咗沙律同枝豆。沙律嘅菜好新鮮，搭配嘅醬汁不會太重，清爽可口。枝豆看似簡單但加了調味，口感爽脆。飲品方面，試咗日式抹茶紅豆鮮奶同紫薯鮮奶。抹茶紅豆鮮奶味道濃郁，抹茶味和紅豆嘅甜味搭配得剛剛好。紫薯鮮奶則帶有淡淡甜味，非常好飲。