海福樓 (Closed)

公司食團年飯，㨂咗去海福樓！上網睇，有款南瓜忌廉阿拉斯加蟹蓋焗飯好吸睛，公司同事個個都話必食！蟹腳煮一道花雕蛋白蒸阿拉斯加蟹腳。再點百味脆豆腐，涼伴海蜇，煎蓮藕餅，乾蔥豆豉爆雞，明蝦球菠蘿船，上湯蒜子浸波菜，甜品叫咗荔茸西米焗布甸，其實重點係食隻阿拉斯加皇帝蟹，其他都變成配角。百味脆豆腐，當然唔會有百種味道，外脆內軟絕對名符其實，而且絕對滿分！正！涼伴海蜇分量太少了，豆豉爆雞雞肉夠 juicy，明蝦球夠彈牙夠大隻但數量略嫌不足，主角出場啦！用㬵剪剪蟹腳，原來蟹腳殼好薄，薄到好似薯片，所以好易剪，由於無點加調味料，蟹嘅鮮味滿分，南瓜飯反而蟹味比南瓜味蓋過，味道當然有南瓜嘅甜味，如果南瓜改成蟹黃就一流嚕！但哩個飯都唔錯。布甸以為平平無期，食落又唔平凡喎，味道甜咗少少但啱自己口味，都係果句，份量少咗d。飯局中，日本老細親口話俾我知，升職！2018年，有兩個大 project，兩個大 project都對自己往後人生有翻天覆地嘅大大大轉變！期待2018年大大大挑戰！