星記海鮮飯店 (一號廣場)

Open Now

Now Closed

約左個 friend 嚟中環食晏，心血來潮想食小菜，由朋友帶路，嚟左擺花街呢間「星記海鮮飯店」。據說餐廳係中環出名嘅「名人飯堂」，以扎實烹調技巧同新鮮食材見稱，而且更連續多年榮獲米芝蓮「必比登美食」推介。我哋每人揀左個午餐，原來呢度嘅午市小菜都幾經濟，每款只係 $88，仲會送埋火老湯同甜品，以中環區嚟講，已算十分抵食。今日嘅火老湯係青紅蘿蔔豬骨湯，滿滿一碗，真材實料，無落味精，入口鮮甜味美。馬蹄蒸鮮肉餅，肉餅用上本地新鮮脢頭豬肉炮製，三分肥、七分瘦，食落肉質好嫩滑，夠鬆身又有彈性。馬蹄好爽口，同肉餅一齊食，充滿住家風味。香芋栗子滑雞煲，雞煲熱辣辣，送上時還冒著煙。芋頭食落好粉，栗子炆到很入味，入口甘香軟糯，夠晒腍身。雞件分量不少，肉質嫩滑，加上索滿了醬汁，吃起嚟倍添滋味！壓尾仲有每人一碗八寶糖水，材料有圓肉、紅棗、雪耳和杞子等，用料十足，據說有寧神安睡功能，飲完成身暖笠笠，非常滿足。聽朋友講，飯店設有五間貴賓房，方便好友們私密歡聚，或生意應酬，下次有時間要同屋企人上嚟食下晚飯。