一鍋堂 (瓊華中心)

Open Now

Now Closed

平時好少機會食午市，今日我終於有假放，仲可以跟朋友仔食午市自助火鍋，好抵又有好野食。湯底都有好多選擇，我們點了蝦米瑤柱冬瓜鍋，一上枱已經見到鍋內有個巨型冬瓜盅，鮮蝦向四角俯首，中間有素翅，打卡影相真係唔錯。儀式感十足，要用少少力切開冬瓜，湯頭清甜又鮮味。身為食肉獸的我們都叫左唔少牛肉，極上安格斯牛小排的雪花很均勻，肉質柔軟，口感順滑，食起來很軟嫩。澳洲M6和牛牛腹肉的油花非常豐富，肉味濃郁，口感較嫩。南非和牛三花腱的油花較少，肉質香嫩多汁,口感極佳。海鮮類都唔錯，鮑魚都有熟食，花雕醉鮑魚酒味香濃，磯煮鮑魚醬香味濃。桶蠔非常飽滿，入口鮮甜，串串鮮海蝦，蝦肉彈牙結實。都有唔少火鍋配料，有不同的熟食，丸類係振興的，雪糕也是香港品牌，飲品自助，蜜桃柚子烏龍茶酒很清爽，酒味不會太濃。