大安茶冰廳 (Changed Hand) New Restaurant

每區都會有舊式茶餐廳或者冰室，有啲甚至已經開咗半個世紀，喺油麻地就有呢間 大安茶冰廳☕冰廳一路見證住油麻地嘅變遷～佢開喺果欄附近，所以平時都好多喺果欄做嘢嘅人黎食嘢，而架亦都會有打工仔幫襯👍🏻👆🏻大安依然係維持住六、七十年代嘅裝修，門面招牌都係用上以前嘅異體字(以前港英政府未將漢字系統化，有啲字體就留傳到而架，而每個人寫法唔同，又未有正字，所以嗰陣時出現幾多異體字)放住玻璃樽汽水嘅透明凍櫃👆🏻大安入面嘅裝修亦係無變(鋪頭曾經有呢度嘅兩倍咁大，但後來做唔住所以cut淨而架咁樣)，靠牆就係冰室/茶餐廳嘅經典窄型卡位👆🏻上圖左就係佢地嘅開放式廚房😹由於大安只有小食牌🍜，所以就無茶餐廳嗰啲炒粉麵飯，最複雜嘅都只係貼係牆上嘅🍝燴意粉～👇🏻👇🏻👇🏻餐牌☕基本嘅湯通粉、意粉、米粉、麵都有嘅，亦有三文治🥪同簡單小食🍞🥣當然唔少得嘢飲啦～晏就得閒又咁啱經過，就入黎嘆返杯☕佢呢度嘅奶茶都唔錯，奶味同茶味都算出，而且幾滑👍🏻雖然未算係最好飲嘅奶茶，但冰室嘅人情味搭夠，我亦相信大安嘅奶茶都溫暖咗唔少茶客/食客嘅心🥰趁佢未被時代巨輪吞噬之前，真係要好好珍惜啊～