Video
Read full review
2021-01-28
55 views
因為奶奶係越南華僑嘅關係，平時我同老公都好鍾意周圍試唔同嘅越南餐廳，最近726開咗一間越南餐廳，今日就同我嘅扮越南人老公嚟試吓。餐廳裝修環境簡潔，廚房為開放式，有足夠空間，座位坐得舒服。午市時段有套餐供應，價錢由$62起，抗疫期間仲免加一。另外亦設有主餐牌，可以有更加多選擇。飲品系列有傳統，亦有特色。老公話食越南菜一定要食佢嘅越南牛肉粉，而要評價佢嘅質素，關鍵就係佢嘅牛肉湯底。呢個牛肉湯底味道濃郁，相信係長時間熬製而成，而且仲微微帶點泰國船河嘅香料味道，勁有風味！配料除咗有平時食開嘅牛肉片、牛腩、牛筋、牛丸等之外，仲有油炸鬼，索咗湯嘅精華非常入味！店員仲會奉上是拉差，真係夠晒正宗！平時出面食金邊粉，有時會係用幼河粉扮金邊粉，而呢度嘅金邊粉呈半透明狀態，而且非常爽滑彈牙，老公話呢個係正宗嘅越南金邊粉，相信餐廳由越南入貨，所以與別不同。另外試咗脆米紙薄餅，類似越南嘅街頭小食，首先餅底係炸越南米紙，上面配上類似臘腸嘅越南香腸、蘿蔔絲、青瓜絲、蝦乾等等，用手隨意撕嚟食，好有風味！ 第二份小食揀咗要蟹肉醬配脆球餅，碟上有五個脆球餅，中間有一碟用蟹肉、蘿蔔、青瓜碎粒混合而成嘅蟹肉醬，感覺係食緊蟹肉
餐廳裝修環境簡潔，廚房為開放式，有足夠空間，座位坐得舒服。
午市時段有套餐供應，價錢由$62起，抗疫期間仲免加一。
另外亦設有主餐牌，可以有更加多選擇。
飲品系列有傳統，亦有特色。
老公話食越南菜一定要食佢嘅越南牛肉粉，而要評價佢嘅質素，關鍵就係佢嘅牛肉湯底。呢個牛肉湯底味道濃郁，相信係長時間熬製而成，而且仲微微帶點泰國船河嘅香料味道，勁有風味！配料除咗有平時食開嘅牛肉片、牛腩、牛筋、牛丸等之外，仲有油炸鬼，索咗湯嘅精華非常入味！店員仲會奉上是拉差，真係夠晒正宗！
招牌金邊粉
$88
1 views
0 likes
0 comments
另外試咗脆米紙薄餅，類似越南嘅街頭小食，首先餅底係炸越南米紙，上面配上類似臘腸嘅越南香腸、蘿蔔絲、青瓜絲、蝦乾等等，用手隨意撕嚟食，好有風味！
脆米紙薄餅
$48
5 views
0 likes
0 comments
南越蟹肉醬配脆球餅
$68
2 views
0 likes
0 comments
店員推介我哋試一個南越蛋咖啡，原來係上面有一層類似法式焦糖燉蛋嘅越南咖啡，第一啖飲到嘅就係超香滑嘅焦糖燉蛋味「奶蓋」，然後下面嘅咖啡亦有越南風味，非常香滑。咖啡旁邊仲有一件綠豆糕，店員話用綠豆糕送咖啡係越南嘅食法。
南越蛋咖啡
$28
0 views
0 likes
0 comments
呢間南越南餐廳所賣嘅唔單只係平時食到嘅撈檬、春卷、牛油雞翼等等嘅傳統越南菜，而係引入咗又好味又地道嘅fusion菜，真係令我眼界大開！
Post
