壹食就醉

Open Now

Now Closed

食私房菜一向都係去開觀塘個頭，原來tst都有間唔錯嘅私房菜！上星期就同朋友食晚飯，平日唔算多人，不過最好都係book定位先上去啦～食得私房菜都唔會預佢好平，價位都跟返tst個指標，比一般小菜貴些少。款式唔算話好多，但都叫有特色同埋少食到嘅。有埋鮑參翅肚同燒豬！最啱一大班人團年食飯～我地人丁單薄就嗌返一碟碟餸啦。。。黃金蝦 $198黃金蝦夠晒大隻，連殼都炸埋再加黃金汁包埋隻蝦，外表香脆，蝦肉彈牙！但懶人會覺得如果連殼都去埋就好喇。。。清酒卜卜蜆 $188成日見人食卜卜蜆就見得多，自己都係第一次食。我地嗌咗個細嘅，份量都好多，見到個樣都已經勁吸引～等佢煲幾分鐘已經開始卜卜卜咁開咗一半，加埋清酒，再等多一陣就全部開晒。睇得出啲蜆係勁新鮮，全部都有開晒，唔似有啲鋪頭會有勁多死咗唔開殼！！而且蜆肉都好飽滿，吐沙都吐得好乾淨，肉質鮮甜，清酒味仲好重添！勁快清晒～本身係計人頭茶位，亦可以like fb拎免費飲清熱飲品。可惜嘅係太少人黎食，真係食唔到啲咩菜式，建議都係一大班人黎食開心啲。