壹食就醉

Open Now

Now Closed

之前向澳門食過一間卜卜蜆好好食，呢排突然又心掛掛想食，但又無時間去澳門一轉，於是上網睇下香港有無類似嘅，發現原來尖沙咀近韓國街附近有一間上樓小炒火鍋店有卜卜蜆食，於是即刻book枱跟好友一起去試試。位置有少少難搵，而且招牌不太明顯，大家要抬頭望望先見到招牌，樓下大廈要㩒門鐘等店家開門先可以進入。上到去餐廳間開咗好多間房，每間房仔大概可以放到3，4張枱，方便一大班朋友黎可以book房食飯。二話不說當然即叫一鍋卜卜蜆先啦！我地叫咗鍋細既‘清酒卜卜蜆’試下，份量非常多，而且先滾一滾，之後再加入清酒，滾多陣就可以熄火食得，清酒香味撲鼻，蜆肉入口鮮甜多汁，肉質肥美，湯底清甜滋味。黃金大蝦牛油蛋黃醬十分香濃，蝦身脆卜卜，蝦肉爽口彈牙，非常香濃滋味。椒鹽鮮魷外皮香脆咸香，鮮魷鮮嫩可口，香口美味。