古今

Open Now

Now Closed

行完SOGO，就去咗隔離嘅澳門逸園中心晚餐。成棟澳門逸園中心都係餐廳，主要以日本餐廳為主。我地就俾呢間嘅特色卷物吸引咗， menu設計簡潔，除咗卷物、刺身同壽司，仲有串燒、鍋物。價錢親民，性價比都幾高。我地叫咗兩個卷物同一份炒飯，份量都幾多👯‍♀️🌶 辣妹 – 卷入面係炸蝦同芝士，上面就係辣味吞拿魚同蟹子，仲有少少脆薯片，點埋啲醬汁，食落口感豐富。🕷 蜘蛛 – 有青瓜、牛油果、蟹柳同軟殼蟹，軟殼蟹炸得酥脆，青瓜同牛油果就中和左油膩感，唔錯。🦪 海膽帶子炒飯 – 用上珍珠米， 炒至爽身粒粒分明，加埋厚肉嫩滑帶子粒，份量都幾多。仲有海膽喺面，夠晒香濃，滿足。