古今

Open Now

Now Closed

古今嘅創意壽司/卷物一向好出名同好特別，今晚特登去咗試，選擇好多，最後揀咗青龍卷同埋東京爆脆。東京爆脆餡料用左熟既吞拿魚同埋蟹柳，用紫菜圍住，最特別係卷物入面有脆脆，口感豐富，醬汁用左微辣沙律醬，配搭特別。青龍卷用左牛油果係外層包住，望落去係青色，賣相配合埋個名，入面有鰻魚同埋蟹柳做餡料，清新之選。另外叫左健康之選蟹柳沙律，超級大盤，新鮮生菜上面佈滿左蟹柳絲同埋三文魚籽，三文魚籽好有口感，想食得健康啲一定要點呢個。串燒試左豚肉荔枝卷串同埋豚肉蘆筍卷串，同樣出色，豚肉荔枝卷串入面荔枝好甜，中和豚肉油膩感，豚肉蘆筍卷串入面蘆筍切成一條條，同豚肉味道好夾。