古今二 (荃新天地)

Open Now

Now Closed

同朋友喺荃灣行街行到攰，朋友提議過嚟呢間佢最鍾意嘅卷物店醫下肚。卷物選擇非常多，充滿新鮮感嘅配搭加上玩味十足嘅名字，令人霎時間有啲選擇困難。因為朋友對牛油果敏感，最後我哋揀咗金龍卷同煙花。金龍卷一客八件，三文魚同炸蝦配上芝士，算係美味又穩陣嘅配搭，鮮甜嫩滑嘅三文魚配上脆卜卜啖啖肉嘅新鮮炸蝦，加上味道濃郁嘅芝士同日式醬汁，令人滿足。煙花用上味道微辣嘅三文魚同呑拿魚，加埋脆片同蟹籽做點綴，無論口感同味道都帶嚟新嘅沖擊，充滿新鮮感。烤茄子食得多，多數係較為重口味嘅大陸風味，估唔到日式風味亦出奇夾，茄子軟腍多汁，加上鹹香脆口嘅櫻花蝦令口感更豐富。鹽燒雞翼同雞腎非常出色，雞翼香口而唔油膩，雞腎口感彈牙，簡單調味更加能夠帶出食物本身嘅味道，非常推薦。