Video
Read full review
2024-10-31
349 views
今日我同朋友去咗尖沙咀美麗華商場一間泰國餐廳，之前已經早早預約好，店員安排我哋坐喺梳化位，環境真係好舒服，感覺好似置身喺泰國森林餐廳入面，真係好有氣氛！今日係星期六，我哋叫咗佢個 “THAI夏狂歡週末早午餐”。呢個套餐包括指定前菜、二選一嘅湯、小食放題、四選一嘅主菜，仲有二選一嘅甜品，聽起來就好吸引！前菜方面，我哋選咗爽脆酸辣魚皮，味道真係超正，魚皮炸到香脆，配合酸辣醬汁，咬落去既脆又有味，令人食完一口想再食第二口。而我叫咗厚登海鮮冬陰功，湯頭濃郁，海鮮新鮮，酸酸辣辣嘅味道正好開胃，真係好適合夏天飲！ 小食放題方面，真係一個驚喜！我哋試咗泰式青醬生蝦，即烤沙嗲雞肉、豬肉串同香茅雞翼，全部都係我至愛！泰式青醬生蝦新鮮，味道清甜，沙嗲雞肉香味十足，豬肉串就嫩滑，香茅雞翼嗰個香味更係無法抵擋，我再返叫咗2次，根本停唔落手！主菜方面，我哋選咗金沙原隻蝦球，蝦球炸得金黃香脆，裡面蝦肉鮮甜，每一口都有濃濃嘅蝦味，搭配金沙醬更加提升咗整道菜嘅層次，真係非常好味！最後，甜品方面，我叫咗黑糖椰子雪糕，雪糕口感滑順，黑糖味道香濃，椰子味又唔會過甜，食完之後感覺好清新，真係一個完美嘅結尾。飲品方面，我叫咗一
今日係星期六，我哋叫咗佢個 “THAI夏狂歡週末早午餐”。呢個套餐包括指定前菜、二選一嘅湯、小食放題、四選一嘅主菜，仲有二選一嘅甜品，聽起來就好吸引！
前菜方面，我哋選咗爽脆酸辣魚皮，味道真係超正，魚皮炸到香脆，配合酸辣醬汁，咬落去既脆又有味，令人食完一口想再食第二口。而我叫咗厚登海鮮冬陰功，湯頭濃郁，海鮮新鮮，酸酸辣辣嘅味道正好開胃，真係好適合夏天飲！
小食放題方面，真係一個驚喜！我哋試咗泰式青醬生蝦，即烤沙嗲雞肉、豬肉串同香茅雞翼，全部都係我至愛！泰式青醬生蝦新鮮，味道清甜，沙嗲雞肉香味十足，豬肉串就嫩滑，香茅雞翼嗰個香味更係無法抵擋，我再返叫咗2次，根本停唔落手！
主菜方面，我哋選咗金沙原隻蝦球，蝦球炸得金黃香脆，裡面蝦肉鮮甜，每一口都有濃濃嘅蝦味，搭配金沙醬更加提升咗整道菜嘅層次，真係非常好味！
最後，甜品方面，我叫咗黑糖椰子雪糕，雪糕口感滑順，黑糖味道香濃，椰子味又唔會過甜，食完之後感覺好清新，真係一個完美嘅結尾。
飲品方面，我叫咗一個原個椰青，椰青新鮮得嚇人，飲落去甜甜嘅，真係好解暑，配合泰國菜更加合襯。
整體來講，今日喺尖沙咀呢間泰國餐廳嘅用餐體驗非常愉快。食物質量高，味道出色，環境舒適又有氛圍，服務態度亦都好好，真係一個適合朋友聚餐或者慶祝嘅好地方。如果你想試下正宗嘅泰國菜，呢間餐廳一定值得一試！我肯定會再返嚟，繼續享受更多美味！
Post
