Rerere1001日式串燒 (Closed)

串燒不嬲都係我心目中小吃no.1，尤其日式串燒，因為個人麻麻地泰式串燒多數只係肉配沙嗲汁，而日式串燒就可以有好多種變化，不過就會價錢高一點~ 呢間Rerere位於大厦最高層，而且有室外坐位，可以睇住風景同朋友Chill住嘆串燒，另外餐廳室內裝修都好精緻，好有日本風格。食物方面，有分日本產雞 、刺身及半熟雞柳、 牛串 、野菜、 豚肉卷、 魚介串及沙律, 更有另外小食、主食及甜點, 其實種類都十分豐富, 唔好以為食串燒食唔飽，我覺得當主餐絕對無問題。今日都食左好多唔同款串燒，佢地串燒食得出係材料好新鮮，唔會用好多調味料去蓋過食材原味道，讚讚讚!另外侍應介紹食品好詳細同專業, 亦都會根據我地進食速度上菜, 好細心😌