Rerere1001日式串燒 (Closed)

地方雖然唔大但好有氣氛 好適合一班朋友一班人聚會而且店家仲會因應你嘅人數去調整佢哋嘅位置唔會話因為八個人就要分開兩張枱好細心 不過由於當日我哋一大班人真係太肚餓我哋知道串燒呢一種食物類型係要慢慢一串一串飲吓嘢同朋友吹吓水咁嘆但我哋嗰日真係太肚餓嘅原因真係一上菜就俾人搶晒相都影唔到唯一俾我影到相嘅幸存者就係呢一個蟹膏 推薦日本小紫薯 炸雞超juicy 大蔥 呢個蟹膏都唔錯相對來講食物質素都偏高但當然開得係銅鑼灣預咗價錢都會偏貴 但係一串嘅份量嫌少所以如果你哋去食嘅話盡量唔好喺超肚餓嘅狀態去 如果唔係會發火但如果只係少少肚餓只係想同朋友飲吓嘢吹吓水食下嘢 呢間絕對係一個唔錯嘅選擇

出去食飯，間唔中一次半次伏係預咗既。揀新餐廳，三次其實預咗兩次伏，但係今次可能真係人生最伏。今日突然想食Yakitori，揀咗一間未試過但有唔錯食評嘅，我唔期望有Birdie或Toritama既質素，但係睇啲相見佢正正常常就決定一試。一般黎講，食評有幾多真幾多假其實好難估，我通常都會睇吓啲相望吓師傅整出嚟嘅嘢食個賣相，就算食完之後係伏左，都算心服口服。我一路以來都係一個CD-ROM，好食嘅唔好食嘅都唔會寫食評，因為懶。有時食緊既時候好有衝動去寫食評，但係返到屋企都唔會花時間去寫。今次真係一個 Exception。Anyway，講返啲嘢食- 燒牛舌好似咬橡筋；- 粟米烚熟之後用火槍燒燶個邊就當燒粟米；- 雞冇雞味，只有雪味；- 調味極端，一係鹹死一係完全冇味；- 唯一可取嘅應該係杯嘢飲。柚子梳打做得唔錯，啤酒都好飲。我實在諗唔起幾多年冇試過食飯食到咁嬲。如果有一個cut loss機制，我諗我食完頭兩碟之後就會起身認輸。

行左成日就同朋友嚟試呢一間串燒屋，一坐低就order左兩杯生啤，一於啤一啤佢！雞先定蛋先個名好特別！賣相都唔錯！係免治雞肉棒裏面有d雞軟骨，好好嚼，點埋日本蛋漿就更加滑溜～鹽燒牛脷燒得好香好爽，好味到要encore多一串🤤豚肉荔枝卷都係encore項目，豚肉同清甜荔枝中間仲夾咗塊紫蘇葉，好夾好清新～北海原隻燒帶子嘅帶子爽口彈牙，最鍾意就係佢個酸酸地嘅醬汁，加埋芝士同埋本菇超正！雞皮一份有兩串，唯我嘅雞皮控朋友獨享～串燒芝士獅子狗個皮有d焦，脹卜卜一咬就有芝士流出嚟！吉列炸蠔個炸漿唔算好厚，炸得好酥脆，加埋檸檬汁好fresh!汁燒和牛胸腹肉、秋葵同粟一燒都好好味～唯獨玉子燒略嫌有d乾～店內裝修、氣氛同擺設都一流，完全值得encore呀！

依家無得做晚市真係好慘，尤其居酒屋呢類專攻晚市既小店我地之前去左Rerere1001食相信係2020年最後的晚餐，真係非常有質素，推薦大家去幫襯下。.Rerere1001 疫市自救，做午市之餘重搞好多花臣、好似午市sake free flow、6點後sake 外賣自取6折，大家可以去支持下__________________________🔹大關桃梅酒 $65 和三盆梅酒$78👰🏻:🌕🌕🌕🌕🌕🤵🏻:🌕🌕🌕🌕🌕食日本串燒最緊要有酒落肚佢地啲酒價值實惠唔識揀可以問店員、會幫你配 (可以用whatsapp問).桃梅酒桃味好重、略帶梅味、會甜少少另一種和三盆梅酒就有正統既芳郁梅香。唔好以為和三盆係梅既品種，其實係高級砂糖，可以提升果味架！.🔹 燒日本魷魚筒 $98👰🏻:🌕🌕🌕🌕🌑🤵🏻:🌕🌕🌕🌕🌑外型夠晒殺食、原隻上枱黑椒汁可以輕手少少筒身既比較嫩同有汁、鬚位就乾啲有焦香，一次兩種感受.🔹燒帶子 $68👰🏻:🌕🌕🌕🌕🌗🤵🏻:🌕🌕🌕🌕🌘扇貝厚肉大隻，又多汁、少少爽身有磯燒味、好惹味.🔹 串燒芝士獅子狗 $32👰🏻:🌕🌕🌕🌕🌑🤵🏻:🌕🌕🌕🌕🌑外皮燒得好焦香，芝士味幾香、不過好流質、建議一啖過食、唔係

值得一提係入去前，店員會用部噴霧機噴勻客人個身同袋，感覺好衛生同high tech而且餐廳處位最高層，所以感覺開揚同氣氛不錯～粟一燒 • HKD$22好香牛油味，而且仲好甜不過就得3舊仔，食完一碟會想再食牛油果沙律拌餅乾 • HKD$68沙律醬加左d蒜味好香可惜牛油果唔夠熟，仲係硬嘅松葉蟹膏甲羅燒 • HKD$89個甲羅燒居然燒到個底有d燶左，近殼d膏全部都食唔到同埋個蟹膏唔夠濃，有d失望多士好食都冇用，希望可以改善吓汁燒鰻魚 • HKD$48魚肉好彈牙，而且燒得啱啱好👍🏽個人覺得呢個係最好食送酒一流！雞先定蛋先 • HKD$48個汁太濃味，搞到成件事好死甜，仲完全食唔到蛋香雞肉棒個質感都ok嘅～

🔎Rerere1001 日式串燒*📍 銅鑼灣渣甸街66號亨環22樓.和牛蛋卷($88)一黎就係呢新派既獨創項目～用和牛片包住隻溫泉蛋,切落去果下就好似食心太軟果d 咁d蛋液爆晒出黎,配合和牛既油脂同香氣,係一個幾得意既體驗.北海道燒完隻帶子($68)其實即係白汁煮帶子.不過佢呢度就加咗好多唔同既食材入去包括洋蔥同菇.不過廚房就將個汁調得無咁重口味,同埋中間食粒帶子都幾正,無好似其他人咁舊帶子肉係散晒咁,仲keep到完整.明太子沙律伴炸紫菜($68)第一次見明太子唔係一粒粒,而係一個個立方體lol 老闆應該好有心機逐粒逐粒切出黎,不過講真一個個cube既明太子口感真係好好,唔似其他沙津咁食完好似無食咁空虛.同埋佢既伴紫菜其實有少少奇怪,啲粉比較口厚,食落唔知自己係食緊紫菜定係天婦羅d 粉lol雞先定蛋先 ($48)即係免治雞翼棒伴生雞蛋～餐廳將免治雞肉焗熟之後, 再加多隻蛋喺旁邊比客人自己決定「雞先」定「蛋先」.如果係「蛋先」,客人可以打勻隻蛋再淋上雞肉棒.如果係「雞先」就可以選擇以「點醬」方式去點生雞蛋液,兩個食法都各有不同,很過癮架.

禁堂食前夕，我帶朋友去咗銅鑼灣嘅日式串燒店食晚餐。「Rerere1001日式串燒」位於亨環22樓，亦即係頂層。大廈位置係喺F出口由京華中心(前Victoria’s Secret)直行到尾，路程五分鐘內，幾方便😉。餐廳防疫做到足，店員除咗指定動作量體溫外，亦會用噴霧幫客人全身消毒👍，令人好放心。再者，廚師同店員們全程帶住口罩，環境亦好整潔衛生。一坐低第一樣吸引到我嘅事係個餐牌，因為面頭寫住我個名🆔，感覺餐廳好重視客人！原來我打電話訂枱時，店員問我個名點串係有原因。未幾店員就問我哋之前有冇食過，然後再介紹菜式，我哋一於聽店員嘅話，嗌餐廳嘅招牌菜啦😜！明太子沙律拌炸紫菜($68)，🥗明太子同炸紫菜放入一個雞尾酒杯嘅器皿內，同我想像中完全唔同🤣。因為落單時我幻想菜式係以炸紫菜做底，上面則塗上明太子醬。然而實際上明太子係以粒狀嘅形態呈現，個樣有啲似薯粒，口感超爽口，好得意，味道就微微辣，好開胃。留意番，明太子粒應該有成廿粒以上，所以我哋由頭食到尾先食得哂😎。但放喺後面嘅炸紫菜就麻麻哋，唔脆身，唔知係咪因為我哋放落咗先食？北海燒原隻帶子($68)，帶子連貝殼上，但廚師會先行將佢切粒煮熟。店員介紹正

2020年12月3日 星期四天氣開始轉涼，終於開始感受到冬天嘅蒞臨，胃口都開始增大，成日都想食暖粒粒嘅食物，今晚就同老婆去到銅鑼灣嘅一間居酒屋入去嘅時候店員為我哋進行全新消毒，用咗一部噴霧機，感覺好專業，令到我哋即時好放心入到去發現餐廳已經裝修得好有聖誕氣氛，而且好光猛，座位之間都分隔得好開，防疫意識做得好足，最特別係餐廳仲有提供露天位置，可以望到銅鑼灣嘅夜景添由於預先訂左位，所以一去到店員已經為我哋安排左位置，但無諗到餐牌上會寫左我個名，感覺好貼心餐牌裡面寫低左食物既中、英、日文，方便唔同國籍既人士，而且餐牌既插圖都好有心思，似係每位員工既卡通圖案我地張枱旁邊仲寫有本日精選，就咁睇落去九款食物都好似好吸引咁，而且價錢唔算太貴，最後叫咗其中一兩款，怕食唔晒點餐之後等咗一陣就有食物送到，首先係牛油果沙律伴餅乾，冇諗過牛油果同餅乾都幾配合，食落去都幾開胃，仲食咗蟹子嘅脆添之後有炸蝦仔，份量都唔少，每隻蝦雖然細細隻，不過好夠鮮味同鹹香，用黎送酒完全係一流跟住當然唔少得係各款串燒，先有和牛蛋卷，和牛包住成隻蛋，一切開d蛋汁流晒出嚟，同牛肉好配合。另外仲有豚肉荔枝卷，荔枝嘅酸甜味正好中和左豚肉嘅

疫情下，真係少左出街食飯，支持下香港飲食業，今晚約左朋友食串燒。餐廳環境寬敞，一到達，職員會先幫你量體溫，之後佢地會有部消毒機幫客人全身消毒，令每次客人都安心用膳。仲有餐廳真係好有心，佢會寫好客人個名放係menu上💛野食方面，一開始食左明太子沙律伴紫菜 $68 有少少辣，配埋紫菜食就剛剛好炸蟹餅$56 本身已經好鍾意，佢整得好creamy，食哂成塊都唔太膩。北海道燒帶子 $68 帶子配埋洋蔥&菇，面頭汁係廚師特別調製，咁既煮法好食好多，無平時燒帶子咁乾🍢串燒叫左 燒雞翼$38，串燒獅子狗$32，芥辣豬頸肉$52，豚肉蒜心卷$38，和牛蛋卷$88要提和牛蛋卷，一塊簿切和牛包住流心蛋，一切開，蛋汁流哂出黎。超好味😋最後一樣就叫左熱辣辣關東煮$88，蒟蒻和蘿蔔都煮得夠淋，食完暖粒粒落樓野飲方面都有好多選擇，清酒，梅酒都有。但今晚唔想飲酒，朋友就揀左Lemon yakalt soda $42 酸酸甜甜 好開胃👍🏽我就試熱茶 minty apple $51 好香果味，食完油膩野可以中和一下👍🏽最後不得不讚，員工服務超好，每樣食物黎到都會講解一下。

喺銅鑼灣收工突然想食串燒，就嚟咗試呢一間氣氛環境都好好嘅日式串燒店。叫咗佢哋好多人推介嘅燒日本魷魚筒($98)果然名不虛傳，非常有驚喜。首先個外型非常特別，係原條魷魚🦑魷魚邊燒到好香，咬落都非常彈牙👍🏻👍🏻雞先定蛋先 $48 其實就係雞肉棒，串燒必叫，再加上生蛋黃，令到雞捧更加濃味。食落去食到薑蓉味，配上燒汁，味道非常出色。和牛蛋捲 $88利用和牛包住流心蛋，一咬落去啲蛋黃流出黎，好正，有和牛的油脂再加雞蛋黃😍簡直絕配，如果有多啲可以撈飯就好正冷烏冬 $42口感煙韌，湯底不會太鹹也不淡味🤤芥未山芋 $42幾特別嘅配搭，如果非常喜歡Wasabi嘅朋友可以試吓炸池魚仔 $78炸魚仔配啤酒一流🍻不過今次就叫左梅酒，都好似幾match今翅大獲烏 $38超級肥美嘅雞翼翅🤤😵見到就好想食，食落口個陣啖啖肉，食完仲想再食豚肉荔枝卷 $32豚肉肉質ok不會韌，再加上荔枝，甜味和豚肉好夾👍🏻串燒芝士獅子狗 $32其他串燒太驚喜，這個比較普通，喜歡芝士加獅子狗的配搭😳食串燒點可以冇嘢飲，我哋分別點了梅酒和薄荷蘋果。而且餐廳環境舒服，適合和朋友談天聚會。

餐廳主打串燒及小食，位於銅鑼灣渣甸街66號亨環22樓，大廈頂層，更設露台座位，可俯瞰銅鑼灣美景。一入到餐廳，就有surprise，餐廳將我訂枱時留的名寫在welcome 卡上迎接我地，依個小舉動我覺得好窩心，亦好少餐廳會甘做。Menu 做得非常精緻用心，職員非常有禮貌。細心為我們介紹每道菜。牛油果沙律拌餅乾$88切粒香滑的牛油果，再加上三文魚籽和沙律醬，真係好好味，連埋餅乾一齊食炸池魚仔$78外表炸得金黃，口感香、酥、脆，絕無魚腥味，真係令人食唔停口，送酒簡直一流。雞先定蛋先$58名字非常有趣，其實即係免治雞肉棒，將蛋黃與醬油伴勻，與雞肉棒一齊食，更滑順香濃，鬆軟中帶爽脆。豚肉蕃茄仔卷$38鮮甜茄汁爆出來的美味，減卻了豚肉一點油膩，口味既清新又健康。和牛蛋卷$88將燒到香噴噴嘅曰本A4和牛薄切包住半熟流心蛋，一啖食落口，正😋今翅大獲烏$38烤過後雞翅香脆又帶有韌性的口感。關東煮$88最近凍咗好多，就最啱食關東煮～燒香魚 $88魚身撒少許鹽，再燒至表皮稍微有點硬且金黃，但內裏嘅魚肉卻保留非常嫩滑。飲品點了Lemon Yakult Soda$42Ice Minty Apple $55

繼續間唔中支持下小店，有啲野就算無力感幾重都唔會放棄💛.🥢牛油果沙律伴餅乾 $68 // 炸蝦仔 $42 // 雞先定蛋先 $48牛油果沙律簡單又好味而且營養價值高🥑炸蝦仔夠香脆，送酒一流👌🏻 雞先定蛋先個名好搞笑🐣原來係免治雞肉棒加蛋黃，水準正常不過略嫌份量太細～.🍢串燒芝士獅子狗 $32 // 今翅大獲鳥 $38 // 豚肉蕃茄仔卷 $32 // 和牛蛋卷 $88 // 明太子釀雞翼$52呢一轉幾串串燒都唔錯，如何食物溫度可以保持熱啲會更好～當中嘅和牛蛋巻一切開蛋醬流晒出黎😆隻蛋幾好食不過可惜牛肉有少少韌🐮另外值得一讚係店員有留意到我地份免治雞肉棒真係好細份所以主動送左明隻太子釀雞翼補數，呢個就夠晒熱辣辣！而且感受到店員嘅誠意🤗.🥢燒香魚 $88 // 冷烏冬 $42 // 北海燒原隻帶子$62 // 炸蟹餅$56燒香魚入面好多魚春我幾鍾意🤤燒帶子個汁類似沙律醬幾滋味，我最後撈埋烏冬食🤣.總結係唔完美不過可接受，希望繼續改善💛

踏入十二月聖誕月，又係時候要開始著手同好友吃頓晚飯聚一聚。友人一向愛吃串燒，今次就特意揀咗嚟呢間主打串燒和小食嘅日式串燒店「Rerere 1001」開餐。餐廳地方不大，只有約 40 個座位，不過環境相當唔錯，以簡約樸實的木色系為主調，好有日本居酒屋 feel。另外店舖亦設露台座位，但這天有點冷，還是選坐室內較好。友人一向識飲識食，今次就交由他負責點菜。先來一客明太子沙律伴炸紫菜 ($68)，將明太子雪凍再切成粒狀，食落好有口感，咬到粒粒鱈魚卵，味道不鹹，入面撈咗少許芥末醬，口味挺獨特，用旁邊的炸紫菜包裏著吃，既香脆又惹味。雞先定蛋先 ($48)  呢客其實係免治雞肉棒，廚師將雞髀肉磨碎後撈拌成肉棒，再烤至緊熟，肉質非常嫩滑，入口啖啖肉，蘸點日本雞蛋及秘製醬汁來吃，倍添香滑。炸蟹餅 ($56)  味道亦唔錯，外層炸得好鬆脆，入面塞滿芝士同忌廉，蟹肉嘅分量雖然唔算多，但食落一啲都唔油膩，外脆内 Creamy，正。北海燒原隻帶子 ($68)，廚師非常細心，已經預先將隻帶子𠝹開再切成數粒，方便大家享用。帶子來自北海道，顏色雪白透亮，肉質飽滿彈牙，面頭的醬汁香滑鮮甜，配帶子吃，令帶子的鮮味更突出

🍴芥末山芋 HK$42係日本食過山芋蓉撈飯，香甜細滑，原來切條食幾清甜爽口，芥末唔攻鼻，幾開胃。🍴炸蝦仔 HK$42鹹香脆口，炸得夠乾身，唔會成口油，忍唔住追住黎食，送酒一流。🍴芝士獅子狗 HK$32、今翅大獲鳥 HK$38、豚肉萵筍卷 HK$42、和牛蛋卷 HK$88獅子狗好易燒到又乾又韌，不過呢串就燒得幾軟熟，仲識得爆芝士添。今翅大獲鳥係鹽燒雞翼，皮夠脆，燒烤香氣濃郁。充滿油香嘅豚肉薄片包住清甜爽脆嘅萵筍卷，層次豐富。和牛蛋卷選用橫隔膜肉，表面燒到微焦，肥瘦適中，肉味頗濃，連埋日本靚蛋一齊食好香甜。🍴雞先定蛋先 HK$48免治雞肉棒似係自製，咬落有彈性唔死實，而且入面仲有d爽脆，係洋蔥，佢加左洋蔥。🍴燒日本魷魚筒 HK$98魷魚鮮嫩彈牙，燒得好香，燒汁亦唔簡單，帶胡椒味，好惹味。冷烏冬HK$42麵條較扁身，頭尾較闊，未見過呢款烏冬，咬落去驚為天人，又滑又煙韌，即刻問下店員烏冬咩來頭，佢話係老闆精挑細選出來，來貨價比一般烏冬貴四倍，果然一分錢一分貨。🍴大關桃梅酒 HK$65、和三盆梅酒 HK$78大關桃梅酒口味偏甜，充滿芳香桃味，好易入口。和三盆梅酒就無咁甜，酒味醇厚，梅香餘韻悠長。

上年已經幫襯過呢間餐廳一次，一直念念不忘，想食番！今日終於黎幫襯啦，好開心呀！餐廳的擺設有少少唔同左，整體都係覺得幾寬敞幾舒服。首先我先叫左前菜：明太子沙律拌炸紫菜 $68明太子一粒粒好咬口，有少少辣幾開胃！小食叫左炸蟹餅$56 外皮炸正好鬆脆，裡面既蟹肉熱辣辣好入味。叫左好多串燒haha 包括：和牛蛋卷 $88、豚肉萵筍卷 $42、今翅大獲鳥 $38、雞先定蛋先 $48，d串燒名好有趣🤣🤣調味好，燒到恰到好處，like it!北海燒原隻帶子$68好喜歡食呢款海鮮，佢既配料勁creamy, 帶子切食細細粒，加堆d 醬食，出色！最後主食叫左個關東煮 $88，暖下個肚先haha料都幾多，唔錯唔錯！野飲叫左lemon yakult soda $42 同埋鍛高譚梅酒，特別想讚知梅酒，好正！佢有加入紫蘇葉，個味有dd似利賓納味，好易入口。欣賞店員的服務態度，好友善。另外menu 設計好靚，好貼心會寫左預約客人的名，有少少驚喜🤩