球記海鮮酒家

Open Now

Now Closed

流浮山位於大西北，喺天水圍再入，佢嘅後邊就係后海灣同深圳。通常大家去到都會行吓條海鮮街吧。今日同班餓鬼投胎嘅死黨去下白泥，再返嚟流浮山食晏。朋友話佢幫襯開球記，就即管試下。呢碟椒鹽鮮魷真係好好味呀，啲魷魚夠新鮮，肉質有彈性。炸漿上得均勻，啲椒鹽又夠香，幾分鐘唔洗就清咗碟。喺流浮山大街已經見到店家將一串串誘人嘅金蠔擺出嚟賣，呢度當然都有得食啦。啲金蠔大大隻，煎到香脆後落少少蜜糖吊味，蠔味濃厚，鍾意食蠔嘅人唔可以錯過呀！