球記海鮮酒家

Open Now

Now Closed

講真，今次行海鮮大餐感覺特別掂！🦐🍴豉油皇煎大蝦，酥皮伴隨蝦仁彈牙，完美交織滋味真係令人回味無窮。再講嗰陳皮蒸鮑魚，溫柔嘅口感，蒸得啱啱好，個陳皮味仲有嗰陣陣回甘。而家啲白焯蟶子王，清新得來又唔失鮮味，襯埋薑蔥一齊嚟，頂呱呱！龍躉兩味嗰招數叫我心驚膽跳，炒得火候精準，西蘭花爽脆，龍躉球唔腌制，鮮甜得嚟軟綿綿，炆骨腩更加係骨肉分離嘅翻版。蜜餞金蠔，油亮光澤，每一口都係享受；焗奄仔蟹膏黃飄香，豐腴得嚟咸香交融。湯類話咁快就嚟個花蛤豆腐湯，熱騰騰一啖㕑得剛剛好，清而不淡。至於嗰豉油王炒麵，我唯有留待下次，肚子是真心裝唔落啦～結論，流浮山呢間海鮮酒家，真係平民化又有水準，正！在這裡，新鮮同美味根本就是招牌。👍🐟🌊

第一次黎球記，老闆一家人都好nice，帶我地揀海鮮，推介我地靚既海鮮，見到佢地真係逐隻蝦蟹睇過揀出黎比我地，又會因應我地人數建議我地合適既份量入到餐廳，好快就起第一道海鮮，一道道咁上，可以keep到每道新鮮咁食，中間會幫手換骨碟整體海鮮都好鮮味，炒菜都炒得好食，服務又好好，價錢都非常合理，下次會再黎，賣單時老闆哥哥仔仲話推介下次食花螺🤤🤤呢個九節蝦好鮮甜，唔係成日有貨，老闆娘話咁岩今日先有，我地就揀左佢象拔蚌仔，師傅無落太多豉油，唔會搶左個鮮味薑蔥蠔，蠔夠肥美亦鮮甜，係我最鐘意既一款😍蜜餞金蠔石頭魚，魚肉好鮮滑，鐘意食龍躉可以食佢👍椒鹽瀨尿蝦松皮蟹

三五成群星期六晚上流浮山食海鮮大約八點左右到這家海鮮酒家，二話不說馬上入正題第一味是豉油皇煎大蝦，味道恰到好處，不會過鹹，蝦肉新鮮而且大隻。陳皮蒸鮑魚，掌握火候啱啱好，鮑魚不會過火變韌，刀叉品嘗最好不過。白焯蟶子王，配上薑蔥絲同吃，鮮味更上一層樓。龍躉兩味，西蘭花炒龍躉球，炆龍躉骨腩，喜歡吃龍躉的我，一口接一口沒停過。蜜餞金蠔，這味不得不讚，金蠔質素很好，入口甘香，蠔味濃郁，完全冇渣。焗奄仔蟹，膏香軟滑，水準之作。花蛤豆腐湯，湯很鮮甜，湯渣是一度菜，花蛤很甜，即使飽到上心口，湯也可以喝幾碗。最後單尾，豉油王炒麵，已飽到吃不下，沒吃。

今個星期六， 一家大小10人去球記食團年飯， 伙記親切，服務態度很好，食物新鮮又好味，價錢合理👍🏻👍🏻👍🏻⋯⋯要多謝我堂叔的訂枱， 否則錯過一餐美味又開心的團年晚飯一定要再去！

今晚係老友2020團年飯, 全海鮮。大㕑手藝 全部朋友食得開心。為數不多的海鮮酒家,要保留有「老香港」㕑藝。用新鮮食材, 做有要求海鮮食物。 依間真係 冇得輸~。*清蒸杉斑, 炒鮮聖子, 鹽焗蟹, 豉油皇蝦碌。清炒蟶子皇鹽焗重皮蟹清蒸杉斑

流浮山位於大西北，喺天水圍再入，佢嘅後邊就係后海灣同深圳。通常大家去到都會行吓條海鮮街吧。今日同班餓鬼投胎嘅死黨去下白泥，再返嚟流浮山食晏。朋友話佢幫襯開球記，就即管試下。呢碟椒鹽鮮魷真係好好味呀，啲魷魚夠新鮮，肉質有彈性。炸漿上得均勻，啲椒鹽又夠香，幾分鐘唔洗就清咗碟。喺流浮山大街已經見到店家將一串串誘人嘅金蠔擺出嚟賣，呢度當然都有得食啦。啲金蠔大大隻，煎到香脆後落少少蜜糖吊味，蠔味濃厚，鍾意食蠔嘅人唔可以錯過呀！

有朋友同我講，只要見到我食嘢個樣就會特別開心，特別鍾意同我食飯。係架我個人冇乜用腦諗野，除咗工作嘅時間之外，基本上個腦平時係唔會轉架，鍾意笑就笑，喊就喊，好食就會感動到喊，唔好食都會Keke咁樣完。一見到美食眼睛就會離不開。簡單得很。今日有跟住朋友嘅大隊，泥到我好少有機會去嘅流浮山。食我覺得好奢侈又好滿足嘅海鮮大餐。一路入嚟嘅時候我諗左好耐究竟呢度係邊度呢？佢哋就話係元朗同屯門附近嘅唔知邊度啦。是但啦最緊要就係呢一度嘅海鮮十分之正，尤其係呢一間餐廳。聽講佢哋嘅雞十分之出名不過要預訂架！今次冇訂到唯有下次再試啦！排名不分先後食咗好多個菜，豉椒炒聖子用上比較細嘅聖子更加鮮甜，鑊氣超勁。仲要係啖啖爽甜嘅聖子，無沙咖的! 當我見到呢一碟蝦嘅時候真係好感動，最主要嘅原因就係我知道佢雖然樣子不討好但係係鮮甜美味嘅九節蝦。咬落去十分之彈牙，鮮甜到一口氣食咗10隻。蒜蓉粉絲蒸開邊象拔蚌仔，呢啲size嘅象拔蚌仔最適合就係蒜蓉粉絲豉油蒸了。爽甜得很清潔得好乾淨，粉絲索晒鮮味。正！接着係豉油王大蝦，唔好睇佢係普通大蝦，係用上成＄100.1隻的花竹蝦，入口特別彈牙，配上中式地道嘅豉油王風味，外皮脆到當薯片食

又到周末小旅行的時間！今次來到流浮山。由於太肚餓的關係，隨便選了一家最就腳的海鮮餐廳。酥炸生蠔（$160 例）外層炸得金黃，但生蠔size 不大，比較乾癟，不夠肥美，但味道仍算鮮味。海鮮豆腐湯（$100)海鮮湯與湯料分開盛載，讓客人知道有幾足料。的確，海鮮豆腐有許多湯料，有雜魚，蝦，蜆，大芥菜，豆腐等，多到一個碟都差點不夠載呢。呈奶白色的魚湯夠鮮甜，但鹽及胡椒粉下得頗重手，遮蓋了本身勁吸引的鮮甜味道。豉油皇銀芽炒麵（$80,例）豉油皇炒麵很不錯，麵質爽口彈牙，調味剛剛好，最重要是不會炒到油立立呢。餐廳環境比較簡陋，正值冬季，但不知為何烏蠅仍四處飛。餐廳內設有紫外光滅蚊燈，每逢有烏蠅被紫外光撲滅，就會發出巨大的"啪啪聲"，每次都嚇了我一大跳。衛生方面，扣了不少分。

今次都是又要謝謝威哥全程幫忙安排，全程都由威仔招待我們，十分開心。雖則價錢比其他高些，但值。入流浮山食野一定要搵威哥，但他只會接預先booking，walkin不會接。

我超中意食海鮮, 香港食海鮮既不外乎西貢, 三聖村同流浮山啦....但好多人都話, 如果唔識人, 肯定自己做左水魚比人?! 我地一心諗住食到新鮮美味既海鮮, 點知.............中左伏!!! 呢間海解餐廳係近流浮山既入口, 入面面積唔算大, 但碗碟地方比較dirty... 我地圍有幾隻碗碟中會有生蜢蟲仔, 地下會有大強打下招呼~ 雖然見到檯底做左d防蟲設備, 但似乎呢間餐廳依然好受昆蟲歡迎.....------------------------------【龍蝦伊麵 (3斤)】早要求龍蝦以芝士烹調, 但一送到黎, 完全唔係芝士.... 估計係上湯, 都算! 個上湯淡而無味, 龍蝦係多, 而且爽既...但個伊麵極乾, 難食! 【豉椒炒蟶子】一見到呢碟真係呆左, 豉椒炒但冇椒, 以苦瓜一齊炒, 蟶子爽, 但味道完全比苦瓜覆蓋哂!!! 浪費哂碟蟶子~~~ 【蒜蓉粉絲扇貝】送上檯意為每隻扇貝都大大隻好有份量, 點知原來帶子係被拆出來做開邊, 個底放左粉絲, 帶子上加左執蒜蓉... 講真, 帶子完全冇味, 連鮮味都冇! (同雪藏既冇分別), 粉絲蒸過龍一 pat pat.

Poor service, poor food, unreasonably expensive.High pressure on customers to order expensive food. Very impolite if you don't order expensive seafood.Seafood price very unreasonable. Additional service charge which they don't tell you beforehand.Food quality poor. Sweet and sour pork so simple dish but poorly made. Never tried such poor sweet and sour pork before. Not even in the US. Fried squid with celery oily and bad tase. Fried cabbage too salty. Boiled sea snails acceptable, merely

週未, 我們一家人懷著開心既心情為Daddy慶祝生日, Daddy話想食海鮮餐, 諗諗下不如就試下流浮山啦, 因為成日聽人講呢度有好多海鮮食, 所以前幾日我就上左open rice睇下邊間係好食既, 咁又睇見d人對呢間球記既評語都唔錯咁, 未決定左呢間囉, 又驚住當晚會好多人食要等位, 未就係之前book定位食囉, 點知……原來我地係一步一步咁步入被騙既晚飯, 估唔到食完後一肚氣!!! 當日,我地一早就到左流浮山, 因為今次係第一次黎, 原來先發現沿途都會有好幾間食店俾大家選擇既, 我地一路行,一路都有店員介紹佢地間食店, 有d就話免茶錢仲免加一tim, 但係望落入面就好似無咩人幫襯! 反而球記既門口就無好似其他食店咁有人拉客, 加上望入去又見一早就有2台係入面食緊, 所以我地最後都決定去球記試下, 因為橫掂book左台同埋好似間間都差唔多咁!......但是原來唔係囉 @@ 真係超後悔無柬第二間!!!!!一開門入去, 就即刻比阿姐問有無訂台, 我話有訂5位, 咁佢就帶我地入去坐左係一張細台度, 原來當日已經全部full booking,要之前book左台先有得食, 唔怪之得出面無人

流浮山, 聽得多講得更多, 但一次都未踏足過, 是日天文台差不多全日發出酷熱天氣警告, 但老婆家仍然舉家一齊入去食海鮮, 無他, 因為外父大人一句金口, 父親節飯局 (補祝) 是也上一回佢地原來已經食過一次, 可惜當時正值蜜月, 同老婆一齊錯過左, 今次又是食過翻尋味之果, 能得到大家回味無窮, 所以我一開始已經好期待訂左位七點, 我地六點幾已經到左, 正好臨近日落, 食飯前先沿路一直行小巷, 沿路好多海味乾貨, 更有好多大到你唔信既遊水生猛海鮮, 包你大開眼界, 五至十分鐘已經行到盡頭, 對岸正是深圳, 日落更有另一番感覺, 可恨當日唔知行程原來係咁, 唔係一定帶齊單反裝備, 做個十分鐘龍友親戚中, 原來有一位係熟客, 早早已經打左黎留餸, 正宗坐底已經有飯開, 而且我地早到+早訂位, 好多靚野都留左俾我地, 今餐真是食得高興頭盤先黎三隻凍蟹, 蟹鉗足有成隻雞脾咁大, 拎上手就好似齒緊一隻雞脾咁, 啖啖肉唔在講, 蟹既鮮味更加係無得彈, 就連那凍蟹汁都異常鮮甜, 凍蟹不同熱蟹, 凍蟹旨在吃蟹既鮮味, 但凍蟹如果不夠斤兩或不新鮮, 吃凍蟹是受罪, 這裡的凍蟹做得好, 我喜歡再點少少醋,

第一次去流浮山,有睇食評做資料去搵食,但去到就碰到老公的同事介紹球記,話OK佢一家長期幫襯,又教我地先去揀海鮮,記住想食的海鮮,可以返去球記搵亞姐幫手買,因為佢會就住人數order.我地去咗劉勝記海鮮店睇,記低合時海鮮便返去球記.那時已經有三枱客食緊幾熱鬧,對面果間無人好靜.一共八樣餸,豉油王煎蝦,豉椒炒聖子,蒜蓉粉絲蒸元貝,油鹽水花甲,清蒸鮑魚,酥炸生蠔,油鹽焗奄仔蟹,蒜蓉菜心.當中煎蝦最好食,蝦肉鮮甜連殼都好脆,聖子雖然細隻小小也不錯,元貝不過不失,花甲我地連湯都飲埋,鮑魚唔洗講,好好味,肉好甜好滑,生蠔就差少少,因為唔係時候食,奄仔蟹有膏,菜心最普通.飯後有鮮橙送.差D唔記得講個碟酸Q頭,幾爽口.大家食得好開心滿意

每年嚟兩次,豉油皇蝦碌, 我連売都食埋, 暫時無出其右, 一魚兩食炆頭腩, 炒球,最可惜魚皮永遠失蹤 酥炸生蠔, 貴妃蚌, 蟶子,鮑魚, 炒蟹,,全部都好食,炒飯亦是至愛,每次都打包攞走,因已太飽,球記絕對唔平,但絕對好回味!