鰹烏冬 (LT Tower) (Closed)

今次媽子又話嚟呢一間食烏冬，佢念念不忘雞付骨，但係嚟到佢竟然忘記咗雞付骨。食咗比目魚烏冬，個比目魚烏冬又幾靚仔喎，不過啲魚就甜得甜咗少少，但係都好味，裏面啲配料十分之足夠，有蔥、薑同埋海草，仲要啲湯令上，真係10分周到，起碼啲魚唔會浸住。我哋額外都點多咗金菇牛肉卷同埋蟹竹崙天婦羅兩樣都唔錯。金菇牛肉卷雖然冇咩汁，但係都好夠味，裏面熱辣辣蟹同埋竹崙卷，佢仲要有好味嘅鰹魚汁另上，有少少喜出望外。佢做到25號，希望之後再嚟多一轉！