Video
Read full review
2023-06-01
139 views
侍應服務好勤快，好主動加水，又幫助左我解決左電話冇電嘅問題，好感動，唔怪得餐廳咁又熟客。我係周末去，人唔算多，得幾枱熟客，所以我同朋友坐左好耐都唔會覺得有壓力。前菜（2位） $56.0～前菜有醃苦瓜，醃青瓜，醃白蘿白招牌炸雞軟骨 $48.0 ～炸粉多但好脆，好似食炸脆脆咁。Heaha Heaha 招牌沙律 $98.0 👍👍～很喜歡這樣招牌沙律，睇名完全唔知會有啲咩，但味道和配料都很特別，份量也很足夠，沙律菜很新鮮，有啲炸蓮藕片好特別呀，唔中意食蓮藕的我都讚好，另外仲有好淋嘅雞胸肉，有啲類似罐頭魚肝嘅東東，有甜甜日本蕃薯同車厘茄。呢個沙律係必點呀！串燒類：免治雞肉串 $42.0～日式串燒店必叫嘅免治雞肉串，生蛋黃和醬油混合令個雞肉串變得更滑。熊本豬腩肉串 $42.0～朋友話好似東坡肉，兩大舊豬腩肉，超入味，預先炆到好淋之後再燒，略咸，但都好值得試！送飯一流🤤燒廣島蠔（3隻）$68.0～比想象嘅大隻，比想象嘅多汁，當然冇得同新鮮蠔比，冇雪藏味，大大隻，仲要有三隻，好驚喜，佢個燒汁好好味。芝士年糕（2件）$38.0～即叫即烤，軟綿綿，入面熱焫焫爆醬軟芝士，很好吃。自家製甲羅燒伴法包 $138
我係周末去，人唔算多，得幾枱熟客，所以我同朋友坐左好耐都唔會覺得有壓力。
前菜（2位） $56.0
～前菜有醃苦瓜，醃青瓜，醃白蘿白
招牌炸雞軟骨 $48.0
～炸粉多但好脆，好似食炸脆脆咁。
Heaha Heaha 招牌沙律 $98.0 👍👍
～很喜歡這樣招牌沙律，睇名完全唔知會有啲咩，但味道和配料都很特別，份量也很足夠，沙律菜很新鮮，有啲炸蓮藕片好特別呀，唔中意食蓮藕的我都讚好，另外仲有好淋嘅雞胸肉，有啲類似罐頭魚肝嘅東東，有甜甜日本蕃薯同車厘茄。呢個沙律係必點呀！
串燒類：
免治雞肉串 $42.0
～日式串燒店必叫嘅免治雞肉串，生蛋黃和醬油混合令個雞肉串變得更滑。
熊本豬腩肉串 $42.0
～朋友話好似東坡肉，兩大舊豬腩肉，超入味，預先炆到好淋之後再燒，略咸，但都好值得試！送飯一流🤤
燒廣島蠔（3隻）$68.0
～比想象嘅大隻，比想象嘅多汁，當然冇得同新鮮蠔比，冇雪藏味，大大隻，仲要有三隻，好驚喜，佢個燒汁好好味。
芝士年糕（2件）$38.0
～即叫即烤，軟綿綿，入面熱焫焫爆醬軟芝士，很好吃。
自家製甲羅燒伴法包 $138.0～調味很好，沒有很咸，很多蟹膏和蟹肉，仲加左少少蟹柳，伴法包原來好夾。
雙色玉子燒 $78.0
～打卡玉子燒，花花造型係用腸仔砌，個面包左一層蛋白，又靚又有創意，玉子微甜，口感濕潤，很合我口感。
Post
